Mise 4:1 - Labib An Kreol Seselwa

¹ Dan lavenir, kot montanny tanp SENYER i ete pou vin montanny pli o. I pou vin pli o ki tou bann kolin. Tou bann pep pou vin rasanble la.

Mise 4:1 ပူးပေါင်းရင်းမြစ်များ

Zenez 49:1

Zakob ti apel son bann garson. I ti dir zot: Rasanble zot otour mwan pour mwan anons zot sa ki pou ariv zot dan lavenir:

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Psonm 110:3

Ou pep i volonter zour ou al lager. Bann zennzan pou vin ver ou lo montanny sen.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Psonm 48:1

SENYER i gran. Dan lavil nou Bondye, son montanny sakre, i merit tou louanz.

Psonm 86:9

Tou bann nasyon ki ou'n kree pou prosternen devan ou, SENYER e zot ava rann glwar ou non.

Ezai 27:13

Sa zour, en gran tronpet pou ganny soufle. Alor, sa bann ki ti'n perdi dan pei Asiri e sa bann ki ti ganny anvoye annegzil Lezip pou retournen e ador SENYER lo montanny sen dan Zerizalenm.

Ezai 43:6

Avek Nor, mon pou dir: Rann zot! Avek Sid: Pa gard zot! Retourn mon bann garson ki dan pei lwenten e mon bann fiy ki dan bout later.

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Ezai 54:2

Agrandi lespas ou latant, fer rido ou lakaz pli larz; pa ezite pour ou fer li; redi byen bann lakord ou latant; anter byen son bann pike!

Ezai 56:7

mon pou anmenn zot lo mon montanny sakre, donn zot lazwa dan mon tanp. Mon pou aksepte zot bann sakrifis konplet e zot bann don lo mon lotel, akoz mon tanp pou ganny apele en landrwa lapriyer pour tou dimoun.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Zeremi 3:17

Kan sa zour i arive, Zerizalenm pou ganny apele Tronn SENYER e tou bann pep pou rasanble la, pour rankontre mwan. Zot pou nepli swiv dezir zot move leker.

Zeremi 31:12

Zot pou vin selebre lo kolin Siyon avek lazwa lo zot figir, kan zot ava war tou sa ki SENYER in donn zot: Dible, diven nouvo, delwil, mouton, kabri ek bef. Zot lavi pou parey en zarden byen aroze; zot pou annan tou sa ki zot bezwen.

Zeremi 48:47

Me dan lavenir, mon pou redonn Moab son larises SENYER i deklare. Sanmenm sa zizman ki ti ganny prononse lo Moab.

Ezekyel 38:16

Ou ava atak mon pep Izrael, parey en nyaz ki kouver later. La sa ki pou arive apre sa: Byen lontan apre, mon pou fer ou monte e atak mon pei, pour ki atraver ou, Gog, mon ava montre ki mon sen devan bann nasyon.

Ezekyel 40:2

Dan bann vizyon, Bondye ti transport mwan dan pei Izrael. I ti depoz mwan lo latet en montanny byen o. Lo son kote Sid, ti annan sa ki parey bann konstriksyon en lavil.

Ezekyel 43:12

La regleman pour tanp: Tou lespas lo latet sa montanny ek teritwar toultour, i devre ganny konsidere tre sakre. Sa i lalwa tanp.

Danyel 10:14

Aprezan, mon'n vini pour fer ou konpran sa ki pou arive avek ou pep dan lavenir, akoz i annan ankor en vizyon pour sa bann zour.

Danyel 2:28

Me i annan en Bondye dan lesyel ki revel bann mister, e i'n montre lerwa Naboukodonozor sa ki pou arive dan lavenir. La ou rev ek bann vizyon ki ou'n gannyen dan ou sonmey:

Danyel 2:35

Alor, fer, later, bronz, larzan ek lor, ti ganny kraze e vin lapousyer. Zot ti anvole parey lapay, ler ou bat dible. Divan ti balye zot san kit okenn latras. Me sa ros ki ti tap sa stati ti vin en gran montanny ki ti ranpli later antye.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Danyel 7:18

Me bann sen ki devan Bondye Toupwisan pou resevwar sa rwayonm e zot pou posed rwayote pour touzour e touzour.

Danyel 7:22

ziska ki sa vyeyar ti vin rann lazistis an faver bann sen ki pour Bondye Toupwisan. Letan ti'n arive pour donn bann sen pouvwar rwayal.

Danyel 7:27

Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Zakari 14:10

Pei antye pou vin en laplenn, depi Geba ziska Rimonn ki sitye dan Sid avek Zerizalenm. Me Zerizalenm pou reste kot i ete lo oter, depi Laport Benzamen kot vye laport ti ete, ziska laport Kwen, e depi Latour Hananeel, ziska bann basen lerwa kot i kraz rezen pour fer diven.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Zakari 8:3

La sa ki SENYER i deklare: Mon pou retourn Siyon. Mon pou reste ankor dan milye Zerizalenm. Zerizalenm pou ganny apele Lavil Fidelite. Montanny SENYER liniver pou ganny apele Montanny Sakre.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Akt de Zapot 2:17

La sa ki Senyer i deklare: Dan sa bann dernyen zour, mon pou repann mon Lespri lo tou bann et imen. Zot bann garson ek zot bann fiy pour profetize. Zot bann zennzan pour ganny bann vizyon. Zot bann vyeyar pour ganny bann rev.

Ebre 1:2

Aprezan dan sa dernyen letan, in koz avek nou atraver son Garson. Par li, Bondye in kree liniver e i'n etabli li koman zeritye lo tou keksoz.

2 Pyer 3:3

Mon oule ki zot konnen avan tou, ki dan dernyen zour, pou annan bann dimoun ki pou viv an swivan zot prop dezir. Zot pour vin monk ou.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.