Mise 3:9 - Labib An Kreol Seselwa

⁹ Ekoute! Zot bann sef dan fanmir Zakob, bann ziz dan fanmir Izrael! Zot ay lazistis; zot tordi tou sa ki drwat.

Mise 3:9 ပူးပေါင်းရင်းမြစ်များ

Nehemi 13:17

Mon ti repros bann personnaz enportan dan Zida. Mon ti demann zot: Ki savedir sa bann move aksyon ki zot pe fer? Zot pe mepriz zour saba.

Egzod 3:16

Ale, e rasanble bann ansyen parmi pep Izrael e dir zot: SENYER, Bondye zot zanset, Bondye Abrahanm, Izaak ek Zakob in aparet avek mwan. I ti dir: Mon pe entervenir dan zot faver, akoz mon'n war tou sa ki pe arive avek zot, Lezip.

Proverb 17:15

SENYER i deteste sa enn ki deklar en koupab inosan e sa enn ki kondann en inosan.

Proverb 17:23

Dimoun malonnet i aksepte gous anba latab, pour ki lalwa pa ganny aplike.

Proverb 18:5

I pa byen donn rezon sa enn ki koupab; oubyen refiz enn ki zis, son drwa

Proverb 21:7

Lavyolans bann malfeter pour anmenn zot dan zot perdisyon, akoz zot refiz fer sa ki byen.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Ezekyel 44:23

Zot ava ansenny mon pep diferans ant sa ki sakre avek sa ki profann e fer li konn distenksyon ant sa ki pir ek sa ki enpir.

Oze 5:1

Bann pret, ekoute! Pep Izrael, port byen atansyon! Bann lerwa, ekoute! Sa zizman i pour zot, akoz zot ti en pyez dan Mispa. Zot ti en latrap ki'n ganny zete lo montanny Tabor.

Levitik 26:15

si zot rezet mon bann regleman, mepriz mon bann lalwa; si zot pa obzerv mon bann komannman, si zot kas mon lalyans,

Amos 5:7

Pour zot, lalwa i anmer e zot trenn lazistis dan labou.

Mise 1:1

SENYER ti koz avek Mise ki sorti Moreset, dan lepok Yotanm, Akaz ek Ezekyas bann lerwa dan rwayonm Zida. SENYER ti revel par bann vizyon sa ki ti konsern Samari ek Zerizalenm.

Mise 3:1

Mon ti dir: Ekoute! Zot bann sef dan fanmir Zakob, bann ziz dan fanmir Izrael! Pa zot devre konnen kisisa lazistis?

Deterononm 27:19

Malediksyon lo sa enn ki priv en etranze, en orfelen e en vev zot drwa. Lepep ava dir: Amenn!