Mise 3:8 - Labib An Kreol Seselwa

⁸ Me mwan, mon ranpli avek lafors, avek lespri SENYER, lazistis ek kouraz, pour denons Zakob son bann lenfidelite e Izrael, son pese.

Mise 3:8 ပူးပေါင်းရင်းမြစ်များ

Liv Zob 32:18

Mon annan en kantite keksoz pou dir, e lespri anndan mwan i pous mwan koze.

Ezai 58:1

Kriy byen for! Pa per pou fer tande ou lavwa! Fer ou lavwa rezonnen parey en tronpet! Dir mon pep son bann fot e desandan Zakob son bann pese.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Ezai 61:2

pour proklanm lannen faver SENYER e zour vanzans pour nou Bondye, pour konsol tou sa bann ki dan sagren;

Zeremi 1:18

Konmansman ozordi, mon pou donn ou lafors pour reziste. Devan bann lerwa dan Zida, bann zofisye, bann pret e devan bann sitwayen sa rwayonm, mon fer ou vin parey en lavil fortifye, en pilye an feray, en miray an bronz.

Zeremi 20:9

Si mon dir dan mwan menm: Mon ava oubliy SENYER, e mon pou nepli koz lo son non, ou parol i vin parey en dife ki brile dan mwan. Mon esey tou pour reziste, me mon pa kapab.

Zeremi 6:11

Mon ranpli avek lakoler SENYER, ki bril dan mwan; mon nepli kapab tenir. Tir ou lakoler lo bann zanfan dan lari, lo tou bann zennzan. Tou dimoun pou ganny deporte, mari ek fanm; menm bann vyeyar. Personn pa pou ganny eparnyen.

Lamantasyon 2:14

Ou bann profet ti ganny bokou vizyon ki ti zis mansonz pour anbet ou. Si zot ti'n fer ou konn ou fot, ou sityasyon ti ava'n kapab sanze. Me zot mesaz ti zis mansonz.

Ezekyel 16:2

Ou ki en imen, fer Zerizalenm konn son bann pratik degoutan!

Ezekyel 20:4

Dir mwan, ou ki en imen, eski ou pou ziz zot? Alor, dir zot bann pratik degoutan ki zot zanset ti komet.

Ezekyel 22:2

Ou ki en imen! Eski ou pou zize? Pa ou devre ziz sa lavil kriminel e fer li konn son bann aksyon degoutan?

Ezekyel 23:36

SENYER ti dir mwan: Ou ki en imen, eski ou pare pour ziz Ohola ek Oholiba? Met devan zot, zot bann pratik degoutan.

Ezekyel 3:14

Lespri ti soulev mwan e anmenn mwan. Mon ti irite e ofanse, me lanmen SENYER ti pez for lo mwan.

Ezekyel 43:10

Kanta ou imen, fer en deskripsyon plan tanp devan pep Izrael. Fer zot egzamin byen sa plan pour ki zot bann fot i fer zot onte.

Matye 7:29

Annefe, i pa ti ansenny parey zot bann profeser Lalwa, me avek lotorite.

Mark 3:17

Zan ek son frer Zak, de garson Zebede ki Zezi ti donn non Boanerzes; savedir, bann garson Loraz;

1 Korentyen 2:4

Mon parol ek mon mesaz pa ti ganny anonse avek bann gran diskour ek lasazes imen, me avek en demonstrasyon pwisans Lespri Bondye.