Mise 3:5 - Labib An Kreol Seselwa

⁵ La sa ki SENYER i deklare kont bann profet ki'n egar mon pep: Lape, kan zot annan keksoz pour manze. Me zot deklar lager kont sa bann ki pa donn zot manze.

Mise 3:5 ပူးပေါင်းရင်းမြစ်များ

Proverb 28:21

I pa bon fer preferans ant dimoun; sepandan, pour en morso dipen, serten i kapab enzis.

Ezai 3:12

Zanfan ki pe kraz mon pep; fanm ki pe domin zot. Mon pep! Ou bann sef pe tronp ou. Zot pe anmenn ou dan move semen.

Zeremi 23:27

Par sa bann rev ki zot rakont kanmarad, zot oule fer mon pep oubliy mon non, parey zot bann zanset ti oubliy mon non pour al ador Baal.

Zeremi 23:32

Mon pou atak sa bann profet ki rakont bann fo rev avek mon pep e dir ki zot in ganny en mesaz sorti kot mwan, SENYER i deklare. Par zot bann mansonz, zot pe tronp mon pep SENYER i deklare. Zanmen mon'n anvoy zot, zanmen mon'n donn zot okenn lord pour ale. Zot pa kapab rann okenn servis mon pep, SENYER i deklare.

Zeremi 6:14

Zot pa pran gran ka avek dezas ki frap mon pep. Zot dir ki tou i byen alor ki tou pa pe mars byen.

Zeremi 6:4

Zot kriye: Debout! Annou prepar nou pour atak Zerizalenm! Annou atak li dan milye lazournen! Me, apre zot pou dir: Domaz! Labrin e fernwanr pe fer. Lazournen pe fini.

Lamantasyon 2:14

Ou bann profet ti ganny bokou vizyon ki ti zis mansonz pour anbet ou. Si zot ti'n fer ou konn ou fot, ou sityasyon ti ava'n kapab sanze. Me zot mesaz ti zis mansonz.

Ezekyel 13:9

Mon pou montre mon pwisans kont sa bann profet ki envant vizyon e fer prediksyon bann mansonz. Pa pou annan plas pour zot dan lasanble mon pep; zot pa pou form parti pep Izrael; zot pa pou ni antre lo later Izrael. Konmsa, zot ava konnen ki mwan menm Senyer BONDYE.

Oze 4:5

An plen zour, ou pou tonbe. Bann profet ki kot ou, pou osi tonbe pandan lannwit. Mon pou detri ou manman.

Zoel 3:9

Anons sa parmi bann nasyon! Met zot pare pour lager! Mobiliz bann gerye! Rasanble zot e met pare pour atake.

Mise 2:11

Si en dimoun i pas letan envant mansonz, e anonse: Zot pou ganny diven ek labwason for! Sanmenm kalite profet ki sa pep i oule!

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Malasi 2:8

Me zot bann pret, zot pa'n swiv sa semen drwat; zot in fer bokou dimoun tonbe par zot lansennyman. Zot in detri lalyans avek Levi, SENYER liniver ki deklare.

Matye 15:14

Les zot! Zot en bann aveg ki pe kondwir bann aveg. Ler en dimoun aveg i kondwir en lot aveg, tou le de i tonm dan rigol.”

Matye 7:15

Mefye zot bann fo profet. Zot vin kot ou degize dan lapo mouton, me anndan, zot en bann loulou feros.

Romen 16:18

Annefe, sa bann dimoun pa servi Kris, nou Senyer, me zot vant. Par zot bann zoli parol ek bann diskour flater, zot arive anbet dimoun ki lespri i senp.