Mise 2:7 - Labib An Kreol Seselwa

⁷ Fanmir Zakob, konmsa ki zot koze? Eski pasyans SENYER in fini? Konmsa ki i azir? Mon parol pa fer dibyen bann ki mars dan bon semen.

Mise 2:7 ပူးပေါင်းရင်းမြစ်များ

Psonm 119:65

SENYER! Parey ou'n promet, ou'n fer mwan, ou serviter, dibyen.

Psonm 119:68

Ou bon e ou fer dibyen. Ansenny mwan ou bann regleman.

Psonm 15:2

Sa enn ki san repros, ki fer sa ki byen, ki dir laverite e son leker i onnet;

Psonm 18:26

Ou pir avek sa enn ki pir; sever avek sa enn ki rize.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Proverb 10:29

Bann plan SENYER i protez sa enn ki drwat; me zot anmenn destriksyon lo bann malfeter.

Proverb 10:9

Sa enn ki viv onnetman i mars an sekirite; me sa enn ki swiv move semen pou ganny pini.

Proverb 14:2

Sa enn ki swiv en semen drwat i respekte SENYER. Me sa enn ki pran move semen i mepriz SENYER.

Proverb 2:7

I gard an rezerv bann resours pour dimoun ki drwat; i en boukliye pour bann ki viv onnetman.

Proverb 28:18

Sa enn ki viv onnetman ava viv an sekirite; me sa enn ki anmenn en lavi doub, pou tonm dan enn bann latrap.

Ezai 50:2

Akoz ti napa personn ler mon ti vini? Akoz personn pa ti reponn ler mon ti apele? Eski mon lanmen i tro kourt pour li nepli kapab sove? Eski mon nepli annan lafors pour delivre ou? Mon parol i ase pour fer lanmer sek e bann larivyer vin en dezer; alor, zot pwason i pouri akoz napa delo e zot mor laswaf.

Ezai 58:1

Kriy byen for! Pa per pou fer tande ou lavwa! Fer ou lavwa rezonnen parey en tronpet! Dir mon pep son bann fot e desandan Zakob son bann pese.

Zeremi 15:16

SENYER, Bondye liniver! Kan ou ti koz avek mwan, mon ti ekout tou sa ki ou ti dir Kan ou ti koz avek mwan, mon ti devor ou parol. In ranpli mon leker avek lazwa e kontantman e mon'n vin ou zanfan.

Zeremi 2:4

Tou bann desandan Zakob! Tou bann tribi Izrael!

Oze 14:9

Bann ki annan lasazes ava konpran sa. Bann ki annan disernman i konnen. Semen SENYER i drwat. Dimoun ki drwat pou swiv, me bann rebel pou tonbe.

Mise 3:9

Ekoute! Zot bann sef dan fanmir Zakob, bann ziz dan fanmir Izrael! Zot ay lazistis; zot tordi tou sa ki drwat.

Zakari 4:6

I ti dir mwan, “La parol SENYER pour Zorobabel: Pa par pwisans, ni par lafors, me par mon lespri, SENYER liniver ki deklare.

Nonm 11:23

SENYER ti reponn Moiz, “Eski lebra SENYER i tro kourt? Mon pou fer ou war, si sa ki mon'n dir pou arive oubyen non.”

Matye 3:8

Alor, prodwi bann bon fri ki montre ki zot in konverti.

Levanzil dapre Zan 8:39

Zot ti reponn li, “Abrahanm i nou papa.” Zezi ti dir zot, “Si zot ti vreman zanfan Abrahanm, zot ti ava azir parey Abrahanm ti azir.

Romen 7:13

Alor, eski sa ki bon, in vin en lakoz lanmor pour mwan? Pa ditou! Pese ki ti lakoz. Konmsa ki i'n fer aparet vre natir pese. Pese in servi sa ki bon pour koz mon lanmor. Konmsa ki gras a bann komannman, pese in montre son pwisans.

2 Korentyen 6:12

Nou pa'n refiz zot nou lafeksyon; se zot ki'n ferm zot leker.

2 Timote 3:5

Zot pou fer sanblan ki zot fidel anver Bondye; me zot pou rezet son vre pwisans. Pa asosye ou avek bann dimoun parey.