Mise 2:10 - Labib An Kreol Seselwa

¹⁰ Leve e ale! Sa later pa en landrwa repo, akoz zot pese i lakoz soufrans ek destriksyon terib.

Mise 2:10 ပူးပေါင်းရင်းမြစ်များ

1 Rwa 9:7

mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.

2 Rwa 15:29

Ti dan lepok Peka, lerwa Izrael, ki Tiglat-Pileser, lerwa Asiri, ti atak e pran sa bann lavil: Iyonn, Abel-Bet-Maaka, Yanoa, Kedes, Hasor, Galaad ek Galile, pei Neftali antye. I ti anvoy tou zabitan prizonnyen annegzil Asiri.

2 Rwa 17:6

Nevyenm lannen renny Oze, lerwa Asiri ti pran lavil Samari e anmenn bann Izraelit annegzil Asiri. I ti fer zot reste Hala, lo Habor, larivyer Gozann e dan bann lavil Med.

2 Kronik 7:20

alor, mon pou derasin zot lo sa later ki mon'n donn zot. Sa tanp ki mon'n konsakre pour mon loner, mon pou rezet li lwen, e fer li vin en lobze ki bann nasyon pou servi pour gway Izrael.

Psonm 106:38

Zot ti fer disan inosan koule; disan zot prop garson, zot prop fiy, ki zot ti ofer an loner bann zidol Kanaan; e pei ti ganny sali avek disan.

Psonm 95:11

Alor, dan mon lakoler, mon ti fer sa serman: Zot pa pou antre dan mon repo.

Zeremi 10:18

Annefe, la sa ki SENYER i deklare: Mon pou sas ou dan sa pei, e deport ou. Mon pou anserkle zot pour ki personn pa sape.

Zeremi 3:2

Lev ou lizye, get lao: Lo tou sa bann kolin, ou'n fer parey en prostitye. Parey bann bedwen dan dezer ki esper en viktim, ou'n esper ou bann lanmoure lo bor semen. Konmsa ki ou'n rann enpir pei.

Zeremi 9:19

Sa tapaz plere in ganny tande dan Zerizalenm: Nou'n ganny rinen! Nou onte! Nou bezwen kit nou pei. Lennmi in detri nou lakaz.

Ezekyel 36:17

Ou ki en imen, ekoute! Kan pep Izrael ti ankor pe viv dan son pei, i ti fer sa pei vin enpir par son konportman ek son bann aksyon. Son kondwit ti enpir parey disan en fanm dan son reg.

Ezekyel 36:19

Mon'n dispers zot parmi bann nasyon, mon'n dispers zot dan tou pei. Mon'n ziz zot dapre zot lavi, dapre zot bann aksyon.

Deterononm 12:9

Annefe, zot pa ankor ariv dan sa landrwa repo e dan patrimwann ki SENYER, zot Bondye pou donn zot.

Deterononm 30:18

la, ozordi, mon deklare, zot pou disparet. Zot pa pou viv lontan dan sa pei kot ou pe al antre pour pran posesyon lot kote larivyer Zourden.

Deterononm 4:26

ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.