Mise 2:1 - Labib An Kreol Seselwa

¹ Maler pour sa bann ki mazin zis fer dimal e ki manigans mesanste lo zot lili! De ki lizour i fer, zot egzekit zot plan, akoz zot annan pouvwar fer li.

Mise 2:1 ပူးပေါင်းရင်းမြစ်များ

Zenez 31:29

Mon ti ava kapab fer ou dimal, me Bondye ou papa in koz avek mwan yer swar. I'n dir mwan: Atansyon, pa fer nanryen Zakob, ni an byen ni an mal.

1 Rwa 21:7

Zezabel, son fanm, ti dir li, “Pa ou ki lerwa lo Izrael? Leve, manze e rann ou leker zwaye; mwan, mon pou donn ou plantasyon rezen ki pour Nabot, sa Zizreelit.”

Ester 3:8

Apre, Haman ti dir lerwa Zerzes, “I annan en serten pep apar, disperse parmi bann pep, dan tou bann provens ou rwayonm. Zot bann lalwa i diferan avek bann lalwa tou lezot pep, e zot pa obei bann lord lerwa. Napa okenn rezon pour lerwa toler sa bann zans.

Ester 5:14

Alor, Zeres, son fanm, ek tou son bann zanmi ti dir li, “Fer en lesafo 25 met oter e demen bomaten ou ava demann lerwa pour ki Mardose i ganny pann. Apre, ou ava kapab al ou festen avek lerwa dan lazwa.” Sa konsey ti fer plezir Haman, e i ti fer mont son lesafo.

Ester 9:25

Me kan Ester ti prezant li devan lerwa, lerwa ti donn lord par ekri, ki sa konplo prepare par Haman, i retonm lo li menm; ki Haman avek son bann garson, zot ganny pann lo lesafo.

Liv Zob 15:35

Zot fer plan pou fer ditor; zot leker i ranpli avek tronpri.

Liv Zob 24:14

En kriminel i leve ler i ankor granmaten pour li touy bann pov ek bann malere e pandan lannwit i vole.

Psonm 36:4

I prepar son bann move kou depi dan son lili. I antete swiv move semen; i pa fer nanryen ki byen.

Psonm 36:5

SENYER! Ou fidelite i tous lesyel. Ou lanmour i ariv ziska dan nyaz.

Psonm 58:3

Depi dan vant zot manman, bann malfeter i pratik sa ki mal. Depi zour zot nesans, zot in pran move semen e zot manter.

Proverb 12:2

En bon dimoun i ganny faver SENYER; me SENYER i kondann bann malfeter.

Proverb 14:22

Sa enn ki rod fer sa ki mal pe mars lo move semen. Sa enn ki rod fer sa ki byen i rankontre labonte ek fidelite.

Proverb 3:27

Sak fwa ki ou kapab, pa refize fer dibyen sa enn ki dan bezwen.

Proverb 4:16

Bann malfeter pa pou dormi, si zot pa'n fer sa ki mal. Zot perdi sonmey, si zot pa fer personn tonbe.

Ezai 29:20

akoz bann diktater pou nepli egziste e bann dominer pou disparet. Tou bann ki pare pour fer sa ki mal pou ganny detri

Ezai 3:14

SENYER i pare pour ziz bann ansyen ek bann dirizan son pep: Zot ki'n devaste mon plantasyon rezen, zot lakaz i plen avek keksoz ki zot in vole avek bann pov.

Ezai 32:7

Bann fourb i mazin zis fer dimal; zot prepar bann konplo pour tronp bann pov avek mansonz, menm si en malere i dan son drwa.

Ezai 5:8

Maler bann ki azout lakaz! Ki pran en morso later apre lot, ziska ki pei antye i zis pour zot.

Ezai 59:3

Annefe, zot annan disan lo zot lanmen; zot ledwa i sal avek pese. Zot labous i koz lalang; zot lalang i mirmir lenzistis.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Ezekyel 11:2

Lespri ti dir mwan, “Ou ki en imen, la bann zonm ki manigans bann plan pour fer dimal e ki donn move konsey dan sa lavil.

Ezekyel 33:26

Zot bann zonm, zot depann lo zot lepe; zot komet bann aksyon degoutan; zot pran fanm zot prosen; eski zot krwar zot pou kapab ganny posesyon sa pei?

Ezekyel 38:10

La sa ki Senyer BONDYE i deklare: Sa zour, toudsort lide pou mont dan ou lespri. Ou ava form en proze ki anmenn maler.

Ezekyel 46:18

Prens pa devre pran patrimwann lepep e met zot deor lo zot propriyete. I ava donn son bann garson son propriyete, pour ki personn parmi mon pep pa ganny arase son propriyete.

Mise 6:12

Ou bann ris i ranpli avek vyolans. Ou bann zabitan, zot bann manter. Dan zot labous, i sorti zis parol tronpri.

Nahoum 1:11

Sa enn ki pe fer konplo kont SENYER, in sorti kot ou. Son bann proze i destrikter.

Zakari 7:10

Pa eksplwat bann vev, bann orfelen, bann etranze oubyen bann pov. Pa mazin fer ditor kanmarad.

Mark 15:1

Byen granmaten, bann gran-pret, bann ansyen, bann profeser Lalwa ek Konsey Siprenm ti syeze. Zot ti fer atas Zezi e anmenn li kot Pilat.

Levanzil dapre Lik 20:19

Sa menm moman, bann profeser Lalwa ek bann gran-pret ti esey atrap Zezi. Me zot ti per lepep. Zot ti konpran ki Zezi ti'n dir sa parabol kont zot.

Levanzil dapre Zan 19:11

Zezi ti reponn li, “Ou pa ti pou annan pouvwar lo mwan, si Bondye pa ti'n donn ou. Pour sa rezon, sa zonm ki'n livre mwan dan ou lanmen i pli koupab ki ou.”

Akt de Zapot 23:12

Lannmen bomaten, bann Zwif ti zwenn ansanm pour mont en konplo. Zot ti fer en serman ki zot pa pou ni manze, ni bwar, ziska ki zot in touy Pol.

Akt de Zapot 23:15

Alor, la sa ki zot, avek konsey, zot annan pour fer: Demann komandan pour anmenn Pol kot zot, swadizan pour rod plis lenformasyon lo son ka. Nou, nou pare pour touy li avan ki i ariv isi.”

Romen 1:30

Zot dir dimal lo kanmarad. Zot bann lennmi Bondye, ensolan, orgeye, vantar. Zot touzour pare pour envant bann nouvo fason pour fer ditor. Zot rebel anver zot paran.

Deterononm 28:32

Devan ou lizye, ou bann garson, ou bann fiy ava ganny donnen avek en lot pep. Tou le zour, ou ava rod zot avek ou lizye gran ouver; me ou pa pou kapab fer nanryen.