Mise 1:8 - Labib An Kreol Seselwa

⁸ Pour sa rezon, mon pou lamante e kriye. Mon pou mars pyeni e touni. Mon pou irle parey en sakal e plennyen parey en lotris.

Mise 1:8 ပူးပေါင်းရင်းမြစ်များ

2 Rwa 18:13

Dan katorzyenm lannen lerwa Ezekyas, Senakerib, lerwa Asiri, ti atak e pran tou bann lavil fortifye dan Zida.

Ester 4:1

Kan Mardose ti tande tou sa ki ti'n ganny fer, i ti desir son lenz, met lenz dey ek lasann. I ti al partou dan lavil e pous bann kriy gro douler.

Liv Zob 30:29

Mon'n vin frer avek bann sakal, e zanmi bann lotris.

Psonm 102:6

Mon parey en ibou dan dezer; parey en pti katiti dan landrwa abandonnen.

Ezai 13:21

Zannimo sovaz ki pou reste la; bann lakaz pou ranpli avek ibou; bann lotris pou vin reste la e bann bouk pou donn bal ladan.

Ezai 13:22

Ou pou antann irlman bann yenn dan bann tour, bann sakal dan bann pale. Sa letan i pros, i pe vini, son bann zour in fini, son lafen pa lwen.

Ezai 16:9

Pour sa rezon, mon plere avek bann zabitan Yazer, pour plantasyon rezen Sibma. Hesbonn! Eleale! Mon larm i koule pour ou akoz nou nepli antann sante dan letan rekolt rezen e rekolt dible.

Ezai 21:3

Pour sa rezon ki mon leren i fer mal; douler in pran mwan parey douler lakousman. Mon tro dekouraze pour mwan tande. Mon tro per pour mwan gete.

Ezai 22:4

Alor mon ti dir: Pa pran ka pour mwan; les mwan vers bann larm anmer; pa esey konsol mwan lo destriksyon ki'n arive lo mon pep ki mon kontan.

Ezai 32:11

Fanm ki viv en lavi alez! Tranble. Zot ki ardyese! Tranble Tir zot lenz e met lenz dey otour zot leren!

Zeremi 4:19

Zot! Mon vant i fer mal. I vreman fer mal! Mon leker pe palpit anmor. Mon pa kapab reste trankil. Mon bezwen koze. Mon antann tronpet pe soufle ek bann tapaz lager.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Zeremi 9:10

Mon pou lamante lo bann montanny e plere pour bann laplenn, akoz zot in ganny brile. Personn pa pase e nepli annan tapaz bann troupo. Zwazo ek zannimo sovaz in ale; pa reste nanryen.

Zeremi 9:19

Sa tapaz plere in ganny tande dan Zerizalenm: Nou'n ganny rinen! Nou onte! Nou bezwen kit nou pei. Lennmi in detri nou lakaz.

Ezekyel 32:18

Ou ki en imen, lamante lo popilasyon Lezip; fer zot desann dan profonder later avek bann fiy, tou bann gran nasyon, ansanm avek bann ki'n desann dan latonm.

Mise 2:4

Sa zour, zot pou met ou dan sanson. Zot pou sant en konplent kont ou: Nou'n ganny konpletman devaste. Zot in sezi tou teritwar mon pep. Ki pe arive? Zot in aras mwan tou! Nou later i ganny partaze ant zot.

1 Samyel 19:24

Li osi, i ti tir son lenz, e i ti profetize devan Samyel. I ti tonbe reste touni tou lazournen e tou lannwit. Sa rezon ki zot dir: Eski Sail osi i parmi bann profet?