Mise 1:6 - Labib An Kreol Seselwa

⁶ Alor, mon pou fer laplenn Samari vin en ta debri, kot i bon zis pour plant rezen. Mon pou fer deboule son bann ros dan vale. Tou son fondasyon pou paret.

Mise 1:6 ပူးပေါင်းရင်းမြစ်များ

2 Samyel 17:13

Si i al kasyet dan en lavil, pep Izrael antye i anmenn lakord kot sa lavil, e trenn li dan larivyer ziska ki i pa reste en sel pti ros.”

2 Rwa 18:10

I ti reisi pran sa lavil apre 3 an. Sa ti dan sizyenm lannen renny Ezekyas, ki ti osi nevyenm lannen renny Oze, lerwa Izrael, ki Samari ti ganny pran.

2 Rwa 18:9

Dan katriyenm lannen renny lerwa Ezekyas, ki ti osi setyenm lannen renny lerwa Oze, garson Ela, lerwa Izrael, Salmanazar, lerwa Asiri, ti atak e anserkle Samari,

2 Rwa 19:25

Eski ou pa ti konnen ki mon'n fer tousala depi lontan? Depi lontan, mon'n fer plan sa ki mon pe realize aprezan, pour fer ou kraz bann lavil fortifye e fer zot vin en ta debri.

Ezai 17:1

Mesaz konsernan Damas. Damas pou nepli en lavil; i pou vin zis en ta debri.

Ezai 25:12

Zot bann gran miray fortifikasyon pou ganny demoli, kraze, e zet ater dan lapousyer.

Ezai 25:2

Ou fer lavil vin en ta debri. Son bann fortifikasyon i anrin. Pale bann lennmi nepli; i pa pou zanmen ganny rekonstri.

Zeremi 31:5

Ou pou replant pye rezen dan bann kolin Samari; bann planter pou manz prodwi zot plantasyon.

Zeremi 51:25

Babilonn! Ou parey en montanny ki detri later antye, SENYER i deklare. Mon pou lev mon lanmen kont ou. Mon pou fer ou degrengole depi bann ta ros, e fer ou vin en montanny brile.

Zeremi 51:37

Mon pou fer Babilonn vin en ta ros, kot zannimo sovaz ki pou viv; en landrwa devaste ki pou fer per, En landrwa kot personn pa pou reste.

Zeremi 9:11

Mon pou fer Zerizalenm vin en ta rin, kot zis zannimo sovaz pou viv. Bann lavil Zida pou vin en dezer kot personn pa pou reste.

Lamantasyon 4:1

Gete! Lor nepli klate! Lor pir in melanze! Bann ros sorti dan miray tanp i fannen dan tou kwen semen.

Ezekyel 13:14

Mon pou fer degrengole sa miray ki ou'n blansi avek laso; mon pou aplati li e met son fondasyon deor dan kler. Mon pou fer zot disparet parmi son bann debri. Konmsa, zot ava konnen ki mwan menm SENYER.

Oze 13:16

Samari pou pey konsekans son krim, akoz in revolte kont Bondye. Zot pou ganny masakre; pti baba pou ganny kraze; fanm ansent pou ganny ouver vant.

Amos 5:11

Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Amos 6:8

Senyer BONDYE, par en serman, SENYER, Bondye liniver i deklare: Lorgey pep Izrael i degout mwan; mon deteste lorgey lafanmir Zakob ek son bann pale. Mon pou livre lavil Samari dan lanmen lennmi ek tou sa ki ladan.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Habakouk 3:13

Ou sorti pour sov ou pep, pour sov sa enn ki ou'n konsakre. Ou detri sef klan bann malfeter. Ou detri zot konpletman.

Matye 24:2

Zezi ti dir zot, “Zot war tousala? Mon dir zot, sa i laverite: Pa pou reste en sel ros lo en lot; tou pou degrengole.”