Mise 1:16 - Labib An Kreol Seselwa

¹⁶ Zabitan Zerizalenm! Raz ou latet, koup ou seve, akoz ou bann zanfan byenneme. Fer ou latet sov parey en leg, akoz zot pe ganny anmennen annegzil lwen avek ou.

Mise 1:16 ပူးပေါင်းရင်းမြစ်များ

2 Rwa 17:6

Nevyenm lannen renny Oze, lerwa Asiri ti pran lavil Samari e anmenn bann Izraelit annegzil Asiri. I ti fer zot reste Hala, lo Habor, larivyer Gozann e dan bann lavil Med.

Liv Zob 1:20

Alor Zob ti leve. I ti desir son lenz e raz son latet. I ti tonm ater e prosternen.

Ezai 15:2

Zabitan Bayit ek Dibonn in monte dan bann landrwa sakre pour plere. Zot pe lamante lo Nebo ek Medba. Moab pe plennyen. Zot tou, zot in raz zot latet; zot tou, zot in koup zot labarb.

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Zeremi 16:6

Ris koman pov, pou mor dan sa pei. Personn pou anter zot oubyen met dey. Personn pa pou sizle son lapo, ni raz son latet pour montre son lapenn.

Zeremi 4:8

Pour sa rezon, met zot lenz dey; plere, lamante, akoz SENYER pe devers son gran lakoler lo zot.

Zeremi 47:5

En gran latristes in anvai lepep ki reste Gaza. Zabitan Askelonn nepli oze koze. Ziska kan zot pou sizle zot lekor?

Zeremi 6:26

La sa ki SENYER i deklare: Mon pep! Met ou lenz dey, roul ou dan lapousyer. Fer dey parey ou ti pou fer pour lanmor ou sel garson ki ou annan. Sant bann kantik tris, akoz lennmi pe vini e dan en sel kou i pou detri ou.

Zeremi 7:29

La sa ki SENYER i deklare: Pep Zerizalenm! Koup zot seve long ki mark zot konsekrasyon. Zet li lo bann kolin; sant bann kantik dey, akoz SENYER, in rezet sa pep ki'n provok son lakoler.

Lamantasyon 2:19

Leve e Kriye tou lannwit. Vid ou leker devan SENYER, parey delo. Lev ou lanmen ver SENYER i ava sov lavi ou bann zanfan ki pe mor lafen dan tou kwen semen.

Amos 7:11

La sa ki Amos in dir: “Zeroboanm pou mor dan lager, e pep Izrael pou ganny deporte lwen avek zot pei.”

Amos 7:17

Alor, la sa ki SENYER i deklare: Ou fanm pou vin en prostitye dan lavil; ou bann zanfan pou mor dan lager; ou later pou ganny arpante e partaze. Ou menm, ou pou mor dan en pei etranze e pep Izrael pou ganny deporte lwen avek zot pei.”

Amos 8:10

Mon pour sanz zot lafet an dey, e zot bann sanson an lamantasyon. Mon pou met zot lenz dey e raz zot latet, konmsi lanmor zot sel garson. Sa zour pou en zour tris.

Deterononm 28:41

Ou pou ganny bann garson ek bann fiy, me zot pa pou reste avek ou, akoz zot pou ganny anmennen annegzil.