Mise 1:1 - Labib An Kreol Seselwa

¹ SENYER ti koz avek Mise ki sorti Moreset, dan lepok Yotanm, Akaz ek Ezekyas bann lerwa dan rwayonm Zida. SENYER ti revel par bann vizyon sa ki ti konsern Samari ek Zerizalenm.

Mise 1:1 ပူးပေါင်းရင်းမြစ်များ

2 Rwa 15:32

Dan dezyenm lannen Peka, garson Remalia, lerwa Izrael, Yotanm, garson Oze, ti vin lerwa Zida.

2 Rwa 15:5

SENYER ti pini lerwa ki ti ganny lalep ziska son lanmor, e viv dan en lakaz separe. Yotanm, garson lerwa, ti vin sef lafanmir rwayal e i ti gouvern lepep son pei.

2 Rwa 16:1

Dan disetyenm lannen renny Peka, garson Remalia, Akaz, garson Yotanm, ti vin lerwa Zida.

2 Rwa 18:1

Dan trwazyenm lannen renny lerwa Oze, garson Ela, lerwa Izrael, Ezekyas, garson Akaz, ti vin lerwa Zida.

2 Kronik 28:1

Akaz ti annan 20 an ler i ti vin lerwa. I ti renny pandan 16 an dan Zerizalenm. Son bann aksyon, kontrerman avek pour son zanset David, pa ti fer plezir SENYER.

2 Kronik 29:1

Ezekyas ti vin lerwa laz 25 an. I ti renny pandan 29 an dan Zerizalenm. Son manman ti apel Abiya, fiy Zakari.

Ezai 1:1

Vizyon ki Ezai, garson Amoz ti war konsernan rwayonm Zida ek lavil Zerizalenm dan bann lepok ki Ozyas, Zotanm, Akaz ek Ezekyas ti lerwa Zida.

Ezai 1:2

Lesyel ekoute! Later tande! SENYER ki koze: Mon'n elve zanfan, mon'n fer zot grandi, me zot in revolte kont mwan.

Ezai 7:1

Lepok ki Akaz, garson Yotanm, garson Ozyas, ti lerwa Zida, Rezin, lerwa Siri e Peka, garson Remalia, lerwa Izrael, ti ale pour atak Zerizalenm. Me zot pa ti kapab mont en latak kont li.

Ezai 7:9

Samari i kapital Efraim e garson Remalia i sef Samari. Si ou napa lafwa ou pa pou kapab tenir.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Oze 1:1

SENYER ti koz avek Oze, garson Beeri, dan lepok ki Ozyas, Yotanm, Akaz, Ezekyas, bann lerwa rwayonm Zida. Ti osi lepok Zeroboanm, garson Yoas, lerwa rwayonm Izrael.

Oze 4:15

Izrael, ou'n tonm dan prostitisyon, pourvi ki Zida pa tonm dan menm fot. Pa bezwen al Gilgal, pa mont Bet-Aven, e pa pronons en serman pour dir: Par SENYER ki vivan.

Oze 8:14

Izrael in oubliy son Kreater e i'n konstri bann pale. Zida li, i'n fortifye en kantite lavil. Me mon pou met dife dan son bann lavil, dife pou devor zot bann zoli pale.

Amos 1:1

La bann parol Amos, en berze sorti Tekoa, dapre sa ki SENYER ti revel li konsernan rwayonm Izrael. Sa ti ariv 2 an avan tranblemandter, dan lepok lerwa Ozyas, lerwa Zida ek Zeroboanm, garson Zoas, lerwa Izrael.

Amos 6:1

Maler lo zot ki viv trankilman dan Siyon, e ki krwar zot an sekirite dan montanny Samari! Zot bann elit parmi bann nasyon, ver ki bann Izraelit i tournen!

Mise 1:5

Tousala i arive akoz pese Zakob, e akoz pese pep Izrael. Ki fot desandan Zakob in fer? Pa Samari? Lekel ki koupab pour lenfidelite dan Zida? Pa Zerizalenm?

Mise 3:9

Ekoute! Zot bann sef dan fanmir Zakob, bann ziz dan fanmir Izrael! Zot ay lazistis; zot tordi tou sa ki drwat.

Habakouk 1:1

Mesaz kondannasyon ki Bondye ti revel Habakouk dan en vizyon.

2 Pyer 1:21

Annefe, napa okenn mesaz profesi ki'n ganny prodwir par lavolonte imen, me se Lespri Sen ki'n pous dimoun pour koz delapar Bondye.