Matye 9:6 - Labib An Kreol Seselwa

⁶ Me pour mwan fer zot konnen ki Fis-de-Lonm i annan lotorite lo later pour pardonn pese,” Zezi ti dir avek sa zonm paralize, “Leve, pran ou lanmak e al kot ou!”

Matye 9:6 ပူးပေါင်းရင်းမြစ်များ

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Matye 4:24

Son renonmen ti fannen partou dan Lasiri antye. Zot ti anmenn kot li bann ki ti annan toudsort maladi e ki ti pe soufer: Bann ki ti posede par demon, bann ki ti annan bebelouka ek bann ki ti paralize. Zezi ti geri zot tou.

Matye 8:20

Zezi ti dir li, “Bann renar i annan zot trou, zwazo dan lesyel i annan zot nik, me Fis-de-Lonm napa en landrwa kot i kapab repoz latet.”

Matye 9:2

Dimoun ti anmenn kot li en zonm paralize lo en lanmak. Kan zezi ti war lafwa sa bann dimoun, i ti dir avek sa zonm paralize, “Pran kouraz, mon garson, ou pese in ganny pardonnen.”

Matye 9:5

Kwa ki pli fasil dir: Ou pese in ganny pardonnen oubyen: Leve, marse?

Matye 9:7

Sa zonm ti leve e al kot li.

Mark 2:10

Me pour mwan fer zot konnen ki Fis-de-Lonm i annan lotorite pour pardonn pese isi lo later,” i ti dir avek sa zonm paralize,

Mark 2:7

Akoz sa zonm i koz konmsa? I pe blasfenmen. Zis Bondye ki kapab pardonn pese.

Levanzil dapre Lik 5:21

Bann profeser Lalwa ek bann Farizyen ti pe dir dan zot menm: Lekel sa zonm ki pe blasfenmen? Lekel ki kapab pardonn pese? Pa zis Bondye tousel?

Levanzil dapre Zan 10:28

Mon donn zot lavi eternel, zot pa pou zanmen mor. Personn pa pou zanmen repran zot avek mwan.

Levanzil dapre Zan 17:2

Ou'n donn li pouvwar lo tou et imen pour donn lavi eternel tou sa bann ki ou'n donn li.

Levanzil dapre Zan 5:27

I'n donn son Garson drwa pour zize, akoz i Fis-de-Lonm.

Levanzil dapre Zan 5:8

Zezi ti dir li, “Leve! Pran ou nat e marse.”

Akt de Zapot 5:31

Bondye in elev li lo son kote drwat e i'n etabli li koman Sef ek Sover pour donn pep Izrael lokazyon pour sanz zot lavi e resevwar pardon zot pese.

Akt de Zapot 9:34

Pyer ti dir li, “Ene! Zezi-Kri i geri ou. Leve e aranz ou lili.” Deswit i ti leve.

2 Korentyen 2:10

Sa enn ki zot pardonnen, mwan osi mon pardonn li. Sa enn ki mon'n pardonnen, mon'n fer li akoz zot, devan Kris,

2 Korentyen 5:20

Nou'n vin bann anbasader anvoye par Kris. Atraver nou, Bondye li menm in apel zot. O non Kris, nou sipliy zot, les zot ganny rekonsilye avek Bondye.

Efezyen 4:32

O kontrer, viv bon, ranpli avek lafeksyon anver kanmarad; pardonn kanmarad, parey Bondye in pardonn zot par Kris.

Kolosyen 3:13

Siport kanmarad, e pardonnen sak fwa ki enn parmi zot i ofans kanmarad. Parey Senyer ti pardonn zot, zot osi pardonn kanmarad.