Matye 9:2 - Labib An Kreol Seselwa

² Dimoun ti anmenn kot li en zonm paralize lo en lanmak. Kan zezi ti war lafwa sa bann dimoun, i ti dir avek sa zonm paralize, “Pran kouraz, mon garson, ou pese in ganny pardonnen.”

Matye 9:2 ပူးပေါင်းရင်းမြစ်များ

Eklezyas 9:7

Ale, manz ou dipen avek lazwa e bwar ou diven avek en leker kontan; akoz Bondye in deza aprouv ou travay.

Ezai 44:22

Mon'n balye ou bann fot parey en nyaz e ou bann pese parey en brouyar. Retourn kot mwan akoz mon'n sov ou.

Matye 14:27

Me deswit Zezi ti dir zot, “Pran kouraz, mwan sa! Pa bezwen per!”

Matye 4:24

Son renonmen ti fannen partou dan Lasiri antye. Zot ti anmenn kot li bann ki ti annan toudsort maladi e ki ti pe soufer: Bann ki ti posede par demon, bann ki ti annan bebelouka ek bann ki ti paralize. Zezi ti geri zot tou.

Matye 6:12

Pardonn nou, nou lofans, parey nou pardonn bann ki'n ofans nou.

Matye 8:10

Kan Zezi ti antann sa, i ti annan ladmirasyon pour sa zofisye. I ti dir avek bann ki ti pe swiv li, “Mon dir zot, sa i laverite: Zanmen mon'n war en tel lafwa kot personn dan Izrael.

Matye 8:16

Ler aswar ti pe fer, zot ti anmenn kot Zezi en kantite dimoun tourmante par bann move lespri. Par son parol, Zezi ti sas sa bann move lespri. I ti osi geri tou bann malad.

Matye 9:22

Zezi ti vire e i ti war li. I ti dir, “Fiy! Pran kouraz! Ou lafwa in geri ou.” Deswit sa fanm ti geri.

Matye 9:5

Kwa ki pli fasil dir: Ou pese in ganny pardonnen oubyen: Leve, marse?

Matye 9:6

Me pour mwan fer zot konnen ki Fis-de-Lonm i annan lotorite lo later pour pardonn pese,” Zezi ti dir avek sa zonm paralize, “Leve, pran ou lanmak e al kot ou!”

Mark 1:32

Aswar, apre soley kouse, dimoun ti anmenn kot Zezi bann malad ek bann ki ti posede par demon.

Mark 10:49

Zezi ti arete. I ti dir, “Apel sa zonm.” Alor zot ti apel sa zonm aveg. Zot ti dir li, “Pran kouraz. Leve, i apel ou.”

Mark 5:34

Zezi ti dir li, “Mon fiy! Ou lafwa in sov ou. Al anpe; ou'n ganny geri.”

Mark 6:50

akoz zot tou, zot ti'n war li. Zot ti per. Deswit Zezi ti koz avek zot, “Pran kouraz, mwan sa, pa bezwen per.”

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Levanzil dapre Zan 2:25

I pa ti bezwen personn pour fer li konn zot, akoz i ti konnen sa ki i annan dan leker imen.

Levanzil dapre Zan 21:5

Alor, Zezi ti demann zot, “Zanfan! Eski zot in atrap pwason?” Zot ti reponn li, “Non!”

Akt de Zapot 14:9

I ti pe ekout sa ki Pol ti pe dir. Pol ti fikse li. I ti war ki i ti posed lafwa pour li ganny geri.

Akt de Zapot 19:12

Zot ti anmenn kot bann malad, lenz, oubyen bann mouswar ki ti'n tous lekor Pol. Alor, zot ti geri e bann move lespri ti kit bann ki ti posede.

Akt de Zapot 23:11

Aswar, Senyer ti aparet avek Pol. I ti dir li, “Pran kouraz! Parey ou'n rann temwannyaz lo mwan isi dan Zerizalenm, i neseser ki ou al fer li osi Ronm.”

Romen 5:11

Sa pa tou: Nou fyer dan Bondye akoz nou Senyer Zezi-Kri, ki'n rekonsilye nou avek Bondye.

Let Zak 2:18

Petet en dimoun ava dir: Serten i annan lafwa e mwan, mon annan aksyon. Mon ava reponn li: Montre mwan ou lafwa san aksyon, e mwan, mon ava montre ou mon lafwa par mon aksyon.