Matye 8:4 - Labib An Kreol Seselwa

⁴ Apre, Zezi ti dir li, “Fer atansyon! Pa dir sa avek personn, me al prezant ou devan pret. Apre, al ofer lofrann ki Moiz in ordonnen. Sa i ava prouve ki ou'n geri.”

Matye 8:4 ပူးပေါင်းရင်းမြစ်များ

Ezai 42:21

Akoz son lazistis, SENYER i pran plezir pour rann son lansennyman gran e manifik.

Levitik 13:49

si sa tas lo sa lenz, lo latwal oubyen lo triko, lo okenn lobze an lapo i en kouler tire lo ver ouswa tire lo rouz, i tas maladi ki parey lalep e i devre ganny fer egzaminen par en pret.

Matye 10:18

Akoz mwan, zot pou ganny anmennen devan bann gouverner ek bann lerwa. Zot ava mon temwen devan zot e devan bann non-Zwif.

Matye 16:20

Alor, Zezi ti ordonn son bann disip pour pa dir personn ki li menm Mesi.

Matye 17:9

Letan zot ti pe desann sorti lo montanny, Zezi ti rekomann zot, “Pa rakont personn sa ki zot in war, ziska ki Fis-de-Lonm i resisite.”

Matye 3:15

Me Zezi ti reponn li, “Aksepte pour konmela. Annefe, konmsa ki nou devre fer tou sa ki Bondye i demande.” Alor, Zan ti aksepte.

Matye 5:17

Pa krwar ki mon'n vin pour fer disparet Lalwa Moiz ek lansennyman bann profet. Mon pa'n vin pour detri, me pour akonplir.

Matye 6:1

Fer atansyon ou akonpli ou bann devwar relizye an piblik, zis pour fer ou ganny remarke. Sankwa, ou Papa ki dan lesyel pa pou rekonpans ou.

Matye 9:30

Zot lizye ti ouver. Zezi ti koz avek zot severman, “Atansyon! Pa les personn konn sa.”

Mark 13:9

Me zot, fer atansyon. Zot pou ganny arete e ganny trennen devan bann tribinal. Zot pou ganny bate dan bann sinagog. Akoz mon non, zot pou debout devan bann dirizan pei ek bann lerwa. Zot ava mon bann temwen devan zot.

Mark 3:12

Me Zezi ti ordonn zot severman pour pa koz lo li.

Mark 5:43

Zezi ti dir zot avek severite pour pa les personn konn sa. Apre i ti dir zot, “Donn sa pti fiy keksoz pour manze.”

Mark 6:11

Si dan en landrwa, bann zabitan pa resevwar zot, ni ekout zot, kit sa landrwa. Sekwe lapousyer ki avek zot lipye: Sa i ava en temwannyaz kont sa bann dimoun.”

Mark 7:36

Zezi ti ordonn zot pour pa dir personn. Me pli i ti dir zot sa, pli zot ti rakonte.

Mark 8:30

Alor, Zezi ti ordonn zot pour pa dir nanryen lo li.

Mark 9:9

Pandan ki zot ti pe desann sorti lo montanny, Zezi ti ordonn zot pour pa dir personn sa ki zot ti'n war, ziska ki Fis-de-Lonm i resisite.

Levanzil dapre Lik 17:14

Kan Zezi ti war zot, i ti dir zot, “Al montre zot avek bann pret.” Pandan ki zot ti pe ale, zot ti ganny geri.

Levanzil dapre Lik 21:13

Sa i ava en lokazyon pour zot rann temwannyaz lo mon size.

Levanzil dapre Lik 4:41

Bann demon ti sorti dan bokou dimoun, an kriyan, “Ou menm Garson Bondye!” Alor, Zezi ti reprimann zot. I ti anpes zot koze, akoz zot ti konnen ki li menm Mesi.

Levanzil dapre Lik 5:14

Zezi ti ordonn li pour pa rakont sa personn, “Me al fer pret war ou, e ofer sakrifis parey Moiz in ordonnen. Sa i ava laprev ki ou'n geri.”

Levanzil dapre Lik 8:56

Son paran ti etonnen. Zezi ti ordonn zot pour pa rakont personn sa ki ti'n arive.

Levanzil dapre Lik 9:21

Zezi ti ordonn zot severman pour pa dir sa personn.

Levanzil dapre Zan 5:41

Mon pa pe rod konpliman sorti kot zonm.

Levanzil dapre Zan 7:18

En dimoun ki koz par son prop lotorite, pe rod laglwar pour li menm. Me sa enn ki travay pour laglwar sa enn ki'n anvoy li, i dir laverite, e napa nanryen fo dan li.

Levanzil dapre Zan 8:50

Mon pa pe rod laglwar pour mwan menm. I annan enn ki pe rod li pour mwan; li menm ki ziz.