Matye 8:3 - Labib An Kreol Seselwa

³ Zezi ti lev son lanmen e tous li. I ti dir, “Dakor, mon oule ki ou vin pir.” Deswit son maladi ti geri.

Matye 8:3 ပူးပေါင်းရင်းမြစ်များ

Zenez 1:3

Alor, Bondye ti dir: I ava annan lalimyer. E lalimyer ti aparet.

2 Rwa 5:11

Naaman ti ankoler. I ti ale e dir dan li menm: Mon ti pe espere ki i ti pou sorti e vin devan mwan; ki i ti ava envok non SENYER son Bondye, e poz lanmen lo landrwa malad e geri mon lalep.

2 Rwa 5:14

Alor, Naaman ti desann e tranp li set fwa dan larivyer Zourden, dapre parol profet Bondye. Son laser ti retourn normal parey laser en pti garson: I ti'n vin pir.”

Psonm 33:9

Koman in koze, later i egziste. Koman in donn lord, later in egziste.

Egzod 4:7

SENYER ti dir li, “Remet ou lanmen dan ou lenz.” I ti remet son lanmen dan son lenz e ler i ti retir li, i ti'n vin parey avan.

Matye 12:13

Alor, Zezi ti dir sa zonm, “Dres ou lanmen.” Sa zonm ti dres son lanmen, e son lanmen ti geri e vin parey lot.

Mark 1:41

Zezi ti pran pitye pour li. I ti lev son lanmen e tous li. I ti dir, “Mon oule! Ganny pirifye.”

Mark 4:39

Zezi ti leve e menas divan. I ti dir avek delo, “Silans! Reste trankil!” Alor, divan ti tonbe, e partou ti kalmi.

Mark 5:41

Zezi ti pran son lanmen. I ti dir li, “Talita koum.” Savedir: Zenn fiy, mon dir ou, leve!

Mark 7:34

Apre, Zezi ti lev lizye ver lesyel. I ti pran en gran respirasyon. I ti dir, “Efata!” Savedir: Ouver!

Mark 9:25

Kan Zezi ti war lafoul pe rasanble otour li, i ti reprimann sa move lespri. I ti dir li, “Move lespri kozpa e sourd! Mon ordonn ou: Sorti! Pa zanmen retourn dan sa garson.”

Levanzil dapre Lik 4:27

Ti osi annan en kantite lepre dan pei Izrael dan lepok profet Elize. Sepandan, personn pa ti ganny pirifye, sof Naaman, en Siriyen.”

Levanzil dapre Lik 5:13

Zezi ti lev son lanmen e tous li. I ti dir, “Mon oule! Vin pir.” Deswit sa maladi ki ti parey lalep ti kit li.

Levanzil dapre Lik 7:14

I ti aprose e tous serkey. Sa bann dimoun ki ti pe anmenn sa serkey ti arete. Zezi ti dir, “Zennonm, mon ordonn ou, leve!”

Levanzil dapre Zan 11:43

Apre ki i ti'n dir sa, i ti kriy for, “Lazar, sorti!”

Levanzil dapre Zan 15:24

Zot pa ti pou koupab si mon pa ti'n fer sa bann aksyon ki personn pa'n deza fer. Me aprezan, zot in war tou aksyon ki mon'n fer e zot ay nou, mwan ek mon Papa.

Levanzil dapre Zan 5:21

Annefe, parey mon Papa i resisit bann ki'n mor e redonn zot lavi, son Garson osi i donn lavi avek sa enn ki i oule.