Matye 8:16 - Labib An Kreol Seselwa

¹⁶ Ler aswar ti pe fer, zot ti anmenn kot Zezi en kantite dimoun tourmante par bann move lespri. Par son parol, Zezi ti sas sa bann move lespri. I ti osi geri tou bann malad.

Matye 8:16 ပူးပေါင်းရင်းမြစ်များ

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Matye 12:22

Apre, zot ti anmenn kot Zezi, en zonm ki ti posede par en demon. Sa zonm ti aveg e kozpa. Zezi ti geri sa zonm; konmsa, i ti kapab koze e war kler.

Matye 14:14

Kan Zezi ti debarke, i ti war en gran lafoul. I ti pran pitye pour zot e i ti geri zot bann malad.

Matye 8:15

Zezi ti tous son lanmen e lafyev ti kit li. I ti leve e servi Zezi.

Matye 8:33

Bann gardyen ti taye. Zot ti al anvil kot zot ti rakont zistwar sa de zonm ki ti posede par demon e sa ki ti'n arive avek zot.

Matye 9:2

Dimoun ti anmenn kot li en zonm paralize lo en lanmak. Kan zezi ti war lafwa sa bann dimoun, i ti dir avek sa zonm paralize, “Pran kouraz, mon garson, ou pese in ganny pardonnen.”

Mark 2:3

En group dimoun ti'n vini pour anmenn en zonm paralize kot Zezi. Kat zonm ti pe anmenn li.

Mark 5:8

Annefe, Zezi ti pe dir li, “Lespri move! Sorti dan sa zonm.”

Mark 9:25

Kan Zezi ti war lafoul pe rasanble otour li, i ti reprimann sa move lespri. I ti dir li, “Move lespri kozpa e sourd! Mon ordonn ou: Sorti! Pa zanmen retourn dan sa garson.”

Levanzil dapre Lik 13:12

Kan Zezi ti war li, i ti apel li, “Fanm, ou'n ganny delivre avek ou maladi.”

Levanzil dapre Lik 4:40

Apre soley kouse, tou dimoun ki ti annan fanmir malad avek toudsort maladi, ti anmenn zot kot Zezi. Zezi ti poz son lanmen lo zot, e geri zot.

Levanzil dapre Lik 4:41

Bann demon ti sorti dan bokou dimoun, an kriyan, “Ou menm Garson Bondye!” Alor, Zezi ti reprimann zot. I ti anpes zot koze, akoz zot ti konnen ki li menm Mesi.

Akt de Zapot 5:15

Zot ti anmenn bann malad dan semen e depoz zot lo lanmak ek nat. Konmsa, kan Pyer ava pase, son lonbraz ava kouver enn ou lot parmi zot.