Matye 8:12 - Labib An Kreol Seselwa

¹² Me bann ki ti ganny destinen pour Rwayonm, pou ganny zet deor dan fernwanr. La, zot pou plere e grens ledan.”

Matye 8:12 ပူးပေါင်းရင်းမြစ်များ

Psonm 112:10

Malfeter i mekontan ler zot war sa. Zot ankoler e zot grens zot ledan. Lespwar malfeter pou disparet.

Ezai 65:14

Mon bann serviter pou sante avek lazwa dan zot leker; me zot, zot pou kriye avek douler dan zot leker; zot pou irle avek en lespri angwase.

Matye 13:38

Sa zarden se lemonn. Bon lagrenn i reprezant pep ki fer parti Rwayonm; move zerb i reprezant zanfan dyab.

Matye 13:42

I pou zet zot dan fourno dife, la kot zot pou plere e grens ledan.

Matye 13:50

Bann ki move pou ganny zete dan fourno dife, la kot bokou pou plere e grens ledan.”

Matye 21:43

Pour sa rezon, mon dir zot ki zot pou ganny arase Rwayonm Bondye. I pou ganny donnen avek en lot nasyon ki pou prodwi bann fri.

Matye 24:51

I pou pini sa serviter severman, e met li ansanm avek bann ipokrit, la kot zot pou plere e grens ledan.”

Matye 25:30

Pran sa serviter initil e zet li deor dan fernwanr; la kot zot pou plere e grens ledan.”

Levanzil dapre Lik 13:28

La, zot pou plere e grens ledan. Annefe, zot pou war Abrahanm, Izaak ek Zakob, ek tou bann profet dan Rwayonm Bondye. Me zot, zot in ganny zet deor.

Akt de Zapot 3:25

Sa promes ki Bondye ti fer par bann profet i pour zot. Zot annan par dan sa lalyans ki Bondye ti fer avek zot bann zanset, kan i ti dir avek Abrahanm: Mon pou beni tou pep later atraver ou desandan.

Romen 9:4

Zot fer parti pep Izrael: Bondye in fer zot vin son bann zanfan. In akord zot prezans son mazeste, bann lalyans, Lalwa, vre ladorasyon, bann promes.

2 Pyer 2:17

Sa bann zonm, zot parey bann sours ki'n sek, zot parey bann nyaz pouse par en tanpet. I annan en plas dan fernwanr rezerve pour zot.

2 Pyer 2:4

Annefe, Bondye pa ti eparny bann lanz ki ti koupab. I ti zet zot dan labim fernwanr kot zot in ganny ansennen pour zour zizman.

Let Zid 1:13

Zot fann zot bann aksyon degoutan parey bann gro laroul lanmer ki pe kras zot lekim. Zot parey bann zetwal filan, e Bondye in rezerv en plas pour zot dan fernwanr, dan profonder labim.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!

1 Samyel 2:9

I protez lepa son bann fidel. Me bann malfeter i al mor dan fernwanr, akoz zonm pa reisi par lafors.