Matye 8:11 - Labib An Kreol Seselwa

¹¹ Mon dir zot ki bokou dimoun pou sorti dan Les e dan Was, pou pran plas dan repa avek Abrahanm, Izaak ek Zakob, dan Rwayonm lesyel.

Matye 8:11 ပူးပေါင်းရင်းမြစ်များ

Zenez 12:3

Mon pou beni bann ki beni ou; mon pou modi bann ki modi ou. Atraver ou, tou fanmir lo later pou ganny beni.”

Zenez 22:18

Atraver ou desandans, tou nasyon lo later pou ganny beni, akoz ou'n ekout mon lavwa.”

Zenez 28:14

Ou desandans pou nonbre parey lapousyer later e zot pou agrandi dan Was e dan Les, dan Nor e dan Sid. Atraver ou ek ou bann desandan, tou fanmir lo later pou ganny beni.

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Psonm 98:3

I rapel son fidelite ek son lanmour anver pep Izrael. Tou bann nasyon lo later in war bann laviktwar nou Bondye.

Ezai 11:10

Sa zour, desandan Zese pou debout koman en bannyer pour tou bann zabitan later; bann nasyon pou vin kot li e son demer pou ranpli avek son prezans.

Ezai 49:12

La zot la; zot in arive sorti lwen, zot sorti, en bann dan Nor, en bann dan Was, lezot dan Sid, dan Lezip.

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Ezai 52:10

SENYER in montre lafors son lebra devan tou bann nasyon; e later antye pou war ki mannyer nou Bondye i sov son pep.

Ezai 59:19

Alor, depi dan Was, dimoun pou respekte non SENYER, depi dan Les, son laglwar; akoz i pou vini parey en larivyer deborde, pouse par souf SENYER.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Matye 21:41

Zot ti reponn li, “I pou touy sa bann kriminel e i ava lwe sa plantasyon avek lezot lokater ki pou donn li son par letan rekolt.”

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”

Matye 3:2

Sanz zot mannyer viv, akoz Rwayonm lesyel i pros.

Matye 8:10

Kan Zezi ti antann sa, i ti annan ladmirasyon pour sa zofisye. I ti dir avek bann ki ti pe swiv li, “Mon dir zot, sa i laverite: Zanmen mon'n war en tel lafwa kot personn dan Izrael.

Levanzil dapre Lik 12:37

Ere sa bann serviter ki zot met i war pe veye kan i arive! Mon dir zot, sa i laverite: I pou met son tabliye, fer zot osi asiz atab, e servi zot.

Levanzil dapre Lik 16:22

En zour, sa pov zonm ti mor e bann lanz ti anmenn li kot Abrahanm. Sa zonm ris osi ti mor e zot ti anter li.

Akt de Zapot 10:45

Bann krwayan Zwif ki ti'n vin akonpanny Pyer ti byen etonnen pou war ki Bondye ti'n devers son Lespri Sen lo bann non-Zwif osi.

Akt de Zapot 11:18

Apre ki zot ti'n antann sa bann parol, zot ti reste trankil e zot ti rann glwar Bondye. Zot ti dir: Alor i vre ki Bondye in donn bann ki pa Zwif, posibilite pour sanz zot fason viv e resevwar sa nouvo lavi!

Akt de Zapot 14:22

Zot ti fortifye leker bann krwayan e ankouraz zot pour reste solid dan lafwa. Zot ti dir ki zot bezwen pas par bokou soufrans pour antre dan Rwayonm Bondye.

Akt de Zapot 14:27

Kan Pol ek Barnabas ti ariv Antyos, zot ti reini Legliz e rakont tou sa ki Bondye ti'n fer atraver zot: Koman i ti'n ouver en laport pour ki bann non-Zwif osi ava kapab krwar.

1 Korentyen 15:20

Me Kris in resisite. I premye ki'n resisite parmi bann mor.

1 Korentyen 6:9

Eski zot pa konnen ki bann malfeter pa pou erit Rwayonm Bondye? Pa les zot ganny tronpe: Dimoun san moralite, adorater zidol, adilter, omoseksyel,

Efezyen 3:6

Sa sekre, se ki par mwayen Bonn Nouvel, bann non-Zwif i osi destinen pour ganny en par dan menm leritaz ki Bondye in rezerve pour son pep. Zot manm en menm lekor e zot osi, zot benefisye dan menm promes ki Bondye in fer dan Zezi-Kri.

Kolosyen 3:11

Alor, i nepli annan okenn distenksyon ant Zwif ek non-Zwif; sirkonsi ek ensirkonsi. I nepli annan etranze ek non-sivilize, lesklav ek dimoun lib, me se Kris ki tou e dan tou.

2 Tesalonisyen 1:5

Sa i prouve ki zizman Bondye i zis. I oule fer zot vin diny pour son Rwayonm pour lekel zot pe soufer.

Revelasyon 7:6

dan tribi Neftali, 12,000; dan tribi Manase, 12,000;