Matye 7:8 - Labib An Kreol Seselwa

⁸ Annefe, sa enn ki demande, i resevwar. Sa enn ki rode, i trouve. Laport i ouver pour sa enn ki frape.

Matye 7:8 ပူးပေါင်းရင်းမြစ်များ

2 Kronik 33:19

Son lapriyer e lafason ki Bondye ti ekout li, son bann pese ek lenfidelite anver Bondye in ganny ekri dan Liv Listwar Hozai. Sa liv i osi donn non bann landrwa kot Manase ti konstri bann landrwa sakre, kot i ti plas bann poto sakre ek bann stati, avan son imilyasyon.

Psonm 37:4

Pran pli gran plezir dan SENYER. I ava donn ou, tou sa ki ou leker i dezir.

Psonm 81:10

Mwan menm SENYER ou Bondye ki ti fer ou sorti dan pei Lezip. Ouver gran ou labous e mon ava donn ou manze.

Psonm 81:16

Mon ti ava nouri ou avek meyer kalite dible e donn ou dimyel sovaz ziska ki ou ti ava rasazye.

Matye 7:7

Demande, zot ava gannyen. Rode, zot ava trouve. Tape, laport ava ouver.

Matye 7:9

Lekel parmi zot, ava donn son garson en ros, si i demann en dipen?

Levanzil dapre Lik 11:10

Annefe, sa enn ki demande i resevwar, sa enn ki rode i trouve, e laport i ouver pour sa enn ki frape.

Levanzil dapre Zan 2:2

Zezi osi avek son bann disip ti'n ganny envite.

Akt de Zapot 9:11

Senyer ti dir li, “Al toudswit dan semen ki apel Drwat, dan lakaz Zida. Demande pour war en zonm ki apel Sol e ki sorti Tars. Konmela menm, i pe priye.