Matye 7:7 - Labib An Kreol Seselwa

⁷ Demande, zot ava gannyen. Rode, zot ava trouve. Tape, laport ava ouver.

Matye 7:7 ပူးပေါင်းရင်းမြစ်များ

Zenez 26:32

Sa menm zour, bann serviter Izaak ti vin rakont li ki zot ti'n fouy en pwi. Zot ti dir li, “Nou'n trouv delo.”

1 Rwa 3:5

Pandan i ti Gabaon, SENYER ti aparet avek Salomon, aswar dan en rev. Bondye ti dir li, “Demann sa ki ou oule, mon ava donn ou.”

Psonm 10:17

SENYER! Ou ekout lapriyer bann dimoun ki annan limilite. Ou pou redonn zot kouraz, e ekout zot,

Psonm 10:4

Dan son larogans, i dir: Bondye pa pini. Dan son lespri i mazinen: Bondye pa pou fer nanryen.

Psonm 119:12

Mon loue ou, SENYER! Ansenny mwan ou bann regleman.

Psonm 27:8

Mon mazin sa ki ou'n dir: Rod SENYER. Alor SENYER! Mon pe tourn ver ou.

Psonm 34:4

Mon ti apel SENYER e i ti reponn mwan. In delivre mwan dan tou mon lafreyer.

Psonm 37:4

Pran pli gran plezir dan SENYER. I ava donn ou, tou sa ki ou leker i dezir.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Psonm 69:32

Ler zot ava war sa, bann ki'n ganny imilye ava dan lazwa. Sa bann ki rod Bondye ava repran kouraz.

Psonm 70:4

Me sa bann ki pe rod ou ava rezouir e deborde avek lazwa akoz ou. Sa bann ki kontan ou koman zot Sover, ava touzour proklanmen: Bondye i gran!

Psonm 86:5

SENYER! Ou bon e ou pare pour pardonnen. Ou fidelite i gran pour dimoun ki kriy ver ou.

Proverb 8:17

Mon kontan dimoun ki kontan mwan. Sa bann ki vreman rod mwan i kapab trouv mwan.

Kantik Salomon 3:2

Alor, mon pou leve e fer letour lavil. Mon pou al dan bann semen, dan bann plas piblik, pour rod sa enn ki mon leker i kontan. Mon'n rod li, me mon pa'n trouv li.

Ezai 30:19

Zot, pep Siyon! Zot, bann zabitan Zerizalenm! Zot pou nepli plere. Koman ou kriy ver li, i pou sertennman montre ou son labonte. I pou antann ou, i pou reponn ou.

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Amos 5:4

La sa ki SENYER i deklare avek pep Izrael: Swiv mwan, ou ava viv.

Matye 18:19

Mon dir zot ankor: Si de parmi zot lo later i tonm dakor ansanm pour priy pour nenport kwa, mon Papa ki dan lesyel ava akord zot sa ki zot demande.

Matye 21:22

Tou sa ki zot pou demande par lapriyer avek lafwa, zot pou resevwar.”

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

Matye 7:11

Si zot, move koman zot ete, zot konn donn zot zanfan bann bon keksoz, a pli fort rezon zot Papa ki dan lesyel, ava donn bon keksoz sa bann ki demann li.

Matye 7:8

Annefe, sa enn ki demande, i resevwar. Sa enn ki rode, i trouve. Laport i ouver pour sa enn ki frape.

Mark 11:24

Pour sa rezon, mon dir zot: Tou sa ki zot demande dan lapriyer, krwar ki zot in deza gannyen e i ava realize pour zot.

Levanzil dapre Lik 13:25

Kan met lakaz ava leve e ferm son laport, zot pou debout deor e zot pou konmans tap laport an dizan: Senyer, ouver, les nou antre! I pou reponn zot: Mon pa konnen kote zot sorti!

Levanzil dapre Lik 18:1

Zezi ti rakont zot en parabol pour montre ki fodre touzour priye e pa perdi kouraz.

Levanzil dapre Zan 15:16

Pa zot ki'n swazir mwan, me mwan ki'n swazir zot e etabli zot pour ale e raport bokou fri, bann fri ki pou dire. Mon Papa i ava donn zot nenport kwa ki zot demande an mon non.

Levanzil dapre Zan 15:7

Si zot reste ini avek mwan, e mon bann parol i reste dan zot, demann sa ki zot oule e zot ava gannyen.

Levanzil dapre Zan 4:10

Zezi ti dir li, “Si ou ti konn kado Bondye, e lekel ki pe dir ou: Donn mwan en pe delo pour bwar! Ou menm ou ti ava demann li, e i ti ava'n donn ou delo ki donn lavi.”

Romen 2:7

Bann ki fer lebyen, pou ganny laglwar, loner ek limortalite.

Romen 3:11

Napa personn ki annan disernman, personn pa rod Bondye.

Ebre 11:6

San lafwa, personn pa kapab fer plezir Bondye. Annefe, sa enn ki apros kot Bondye i devre krwar ki Bondye i egziste e ki i rekonpans tou dimoun ki rod li.

Let Zak 5:15

Lapriyer fer avek lafwa, ava sov sa malad, e Senyer ava donn li lasante. Si i'n komet okenn pese, i ava ganny pardonnen.

1 Zan 3:22

Nenport kwa ki nou demann li, nou pou gannyen, akoz nou gard son komannman e nou fer sa ki fer li plezir.