Matye 7:6 - Labib An Kreol Seselwa

⁶ Pa donn avek lisyen sa ki pour Bondye. Zot kapab retourn kont ou e desir ou. Pa zet ou bann perl devan bann koson. Zot kapab pil lo la.

Matye 7:6 ပူးပေါင်းရင်းမြစ်များ

Proverb 11:22

En zoli fanm san zizman i parey en bag annor dan nennen en koson.

Proverb 23:9

Pa koz avek en zonm ki bet; i pou mepriz valer ou bann parol.

Proverb 26:11

En fou ki repet son betiz, i parey en lisyen ki retourn kot son vomi.

Proverb 26:4

Pa reponn en fou dapre son lafoli, pour ki ou menm ou pa vin fou.

Matye 15:26

Zezi ti reponn, “I pa byen pour pran manze zanfan e zet avek bann lisyen.”

Matye 24:10

Alor, en kantite pou abandonn zot lafwa, trai e ay kanmarad.

Matye 7:5

Ipokrit! Tir poto ki dan ou lizye avan. Apre, ou ava war ase kler pour tir lapay ki dan lizye ou frer.

2 Korentyen 11:26

Souvan dan mon bann vwayaz, mon'n pas dan bokou danze: Akoz larivyer ki deborde, avek bann bandi, avek mon bann konpatriyot Zwif, avek bann non-Zwif, dan bann lavil, dan dezer, lo lanmer e parmi bann fo frer.

Filipyen 3:2

Fer atansyon sa bann malfeter, sa bann move zouvriye ki parey bann lisyen; sa bann zouvriye ki donn tro lenportans lo sirkonsizyon.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

Ebre 6:6

Pourtan, zot in retonm dan zot vye mannyer viv. I enposib fer zot sanz zot lavi ankor en fwa. Annefe, zot pe krisifye Garson Bondye e zot pe dezonor li piblikman.

2 Pyer 2:22

Sa ki'n ariv zot i parey sa ki sa proverb i dir: Lisyen in retourn dan son vomi. Oubyen ankor: Koson ki'n fek fini ganny lave, in retourn dan son labou.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!