Matye 7:22 - Labib An Kreol Seselwa

²² Alor, kan zour zizman pou arive, bokou pou dir mwan: Senyer, Senyer! Dan ou non, nou ti profetize; dan ou non, nou ti sas bann move lespri; dan ou non, nou'n fer en kantite mirak.

Matye 7:22 ပူးပေါင်းရင်းမြစ်များ

Ezai 2:11

Lizye dimoun arogan pou ganny abese; bann orgeye pou ganny imilye. Sa zour, zis SENYER ki pou ganny egzalte.

Ezai 2:17

Dimoun orgeye pou ganny imilye; bann ki vantar pou ganny abese. Sa zour, zis SENYER ki pou ganny rekonnet pour son grander.

Nonm 24:4

Parol sa enn ki antann Parol Bondye e war vizyon Bondye Toupwisan.

Nonm 31:8

Zot ti touy osi sa senk lerwa Madyann: Evi, Rekenm, Zour, Hour, Reba. Zot ti osi touy Balaanm, garson Beor.

Matye 10:15

Mon dir zot, sa i laverite: Zour zizman, zabitan Sodonm ek Gomor, pou ganny trete mwen severman ki bann zabitan sa lavil.

Matye 24:36

“Me konsernan sa zour e sa ler, kan i pou arive, personn pa konnen, ni menm bann lanz dan lesyel, ni menm Garson Bondye. Zis Papa ki konnen.

Matye 25:11

Plitar, lezot zenn fiy ti arive. Zot ti kriye: Senyer, senyer! Ouver laport!

Matye 7:21

Pa tou sa ki apel mwan: Senyer, Senyer, ki pou antre dan Rwayonm lesyel, me zis sa bann ki fer lavolonte mon Papa ki dan lesyel.

Levanzil dapre Lik 10:12

Mon dir zot ki zour zizman, Bondye pou mwen sever anver Sodonm, ki anver sa lavil.”

Levanzil dapre Zan 11:51

An realite, i pa ti dir sa par li menm, me akoz i ti Gran-Pret sa lannen, i ti pe predir ki Zezi ti pou mor pour nasyon Zwif;

1 Tesalonisyen 5:4

Me zot mon bann frer ek ser! Zot pa dan fernwanr, e sa zour pa pou sirprann zot parey en voler.

2 Tesalonisyen 1:10

Sa zour, i pou vini pour li ganny onore e admire par tou bann ki pour li e ki krwar dan li. Zot osi, zot ava la, akoz zot in krwar dan mesaz ki nou'n anons zot.

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.

2 Timote 1:18

Mon demande ki zour zizman, Senyer ava akord li konpasyon ki sorti kot Bondye. Ou osi konnen, sa kantite servis ki i'n rann mwan kan mon ti Efez.

2 Timote 4:8

Dezormen, kouronn lazistis in ganny rezerve pour mwan, sa enn ki Senyer ki ziz avek lazistis pou donn mwan sa zour; pa zis mwan, me osi tou bann ki'n esper war son retour.