Matye 7:14 - Labib An Kreol Seselwa

¹⁴ Me laport e semen ki anmenn ver lavi i etrwat e difisil. Napa bokou ki trouv li.

Matye 7:14 ပူးပေါင်းရင်းမြစ်များ

Psonm 16:11

Ou fer mwan konn semen lavi. I annan labondans lazwa dan ou prezans. Pre avek ou, lakontantman pa zanmen fini.

Proverb 8:20

Mon mars lo semen lazistis, tou dilon bann santye laverite,

Ezai 30:21

Ler ou pou al adrwat ou agos, ou pou antann en lavwa deryer ou: La semen; swiv li.

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Ezai 57:14

I pou ganny dir: Repar semen, degaz lari, tir tou bann lobstak lo semen mon pep.

Zeremi 6:16

La sa ki SENYER deklare: Aret en kou; plas ou lo krwaze semen; demande oli sa semen lontan, sa bon semen, swiv li e ou ava viv dan trankilite. Me zot in dir: Non! Nou pa pou swiv sa semen!

Matye 20:16

Zezi ti azoute, “Konmsa ki bann ki dernyen pou vin premye e bann ki premye pou vin dernyen.”

Matye 22:14

Zezi ti azoute, “Annefe, bokou in ganny envite, me zis en pti gin ki ganny swazir.”

Matye 7:13

Antre par laport etrwat! Annefe, laport ki kondwir ver lanmor i larz. I annan bokou ki pas par la.

Matye 7:15

Mefye zot bann fo profet. Zot vin kot ou degize dan lapo mouton, me anndan, zot en bann loulou feros.

Mark 8:34

Apre, Zezi ti apel lafoul ek son bann disip. I ti dir zot, “Sa enn ki oule swiv mwan, fodre ki i aret mazin zis li. I devre pran son lakrwa e swiv mwan.

Levanzil dapre Lik 12:32

“Pa bezwen per, pti troupo! Zot Papa in pran plezir donn zot son Rwayonm.

Levanzil dapre Zan 16:2

Zot pou ganny pouse dan bann sinagog. E menm en letan pe vini kan dimoun ki pou touy zot, pou krwar ki zot pe servi Bondye.

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Akt de Zapot 14:22

Zot ti fortifye leker bann krwayan e ankouraz zot pour reste solid dan lafwa. Zot ti dir ki zot bezwen pas par bokou soufrans pour antre dan Rwayonm Bondye.

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

Romen 9:32

Akoz sa? Akoz zot pa ti rode pour fer plezir Bondye par lafwa. Zot ti krwar sa ti posib gras a zot bann aksyon. Zot in tonbe akoz zot in ganny konnyen avek sa ros ki fer tonbe.