Matye 7:11 - Labib An Kreol Seselwa

¹¹ Si zot, move koman zot ete, zot konn donn zot zanfan bann bon keksoz, a pli fort rezon zot Papa ki dan lesyel, ava donn bon keksoz sa bann ki demann li.

Matye 7:11 ပူးပေါင်းရင်းမြစ်များ

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

2 Samyel 7:19

Konmsi pour ou tousala pa ase, Senyer BONDYE, ou'n osi koz lo lavenir desandans ou serviter. Eski i normal pour azir konmsa anver en et imen?

Liv Zob 15:16

ki mannyer i pou met son konfyans dan en et imen ki degoutan e koronpi, ki komet lemal konmsi i pe bwar delo?

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Psonm 85:12

SENYER ava li menm anmenn boner e nou pei ava prodwir plis.

Psonm 86:15

Me ou SENYER! Ou en Bondye ki annan konpasyon e ki pran pitye. Ou pasyan; ou fidelite e ou bonte i gran.

Psonm 86:5

SENYER! Ou bon e ou pare pour pardonnen. Ou fidelite i gran pour dimoun ki kriy ver ou.

Ezai 49:15

Eski en fanm i kapab oubliy son pti baba ki i pe donn tete? Pa i annan konpasyon pour sa zanfan ki i'n donn nesans? Menm si i oubliy li, mwan mon pa pou oubliy ou.

Ezai 63:7

Mon pou rakont bann byenfe ki SENYER in fer, bann aksyon SENYER ki merit ganny loue: Pour tou sa ki SENYER in fer pour nou; dan son gran konpasyon ki i'n montre pour Izrael, dan labondans son gran fidelite.

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Zeremi 33:14

La sa ki SENYER i deklare: Sa bann zour pe vini, kan mon pou akonpli sa promes ki mon ti fer avek pep Izrael e avek pep Zida.

Oze 14:2

Anmenn parol avek ou e retourn kot SENYER. Dir li: Pardonn tou nou bann krim; aksepte sa ki bon; dan plas toro, nou ofer ou bann fri nou labous.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Malasi 1:6

SENYER liniver i dir avek bann pret: En zanfan, i obei son papa; en serviter, i respekte son met. Si mon en papa pour zot, oli loner ki mon merite? Si mon zot sef, akoz zot napa respe anver mwan, SENYER liniver i demann avek bann pret ki mepriz li. Me zot demande: Ki mannyer nou'n mepriz ou?

Matye 23:9

Pa apel personn isi lo later, ‘Papa’, akoz zot annan zis en sel Papa ki dan lesyel.

Matye 7:10

Oubyen, si i demann en pwason, eski i pou donn li en serpan?

Levanzil dapre Zan 3:16

Annefe, Bondye in telman kontan lemonn ki i'n donn son sel Garson, pour ki nenport ki, ki krwar dan li, pa pou mor, me i ava ganny lavi eternel.

Romen 3:19

Nou konnen ki tou sa ki Lalwa i dir, i dir pour sa bann ki viv anba lalwa. Konmsa, personn pa kapab ouver labous pour eskiz li, e lemonn antye ava ganny rekonnet koupab devan Bondye.

Romen 3:9

Alor kwa? Eski nou Zwif, nou pli siperyer ki lezot? Pa ditou! Mon'n deza montre ki tou dimoun i anba dominasyon pese, Zwif koman non-Zwif.

Romen 8:32

I pa'n eparny son prop Garson, me i'n livre li pour nou tou. Alor, avek son Garson, i pou donn nou osi tou.

Galat 3:22

Me Lekritir in dir ki pese i kontrol tou keksoz, pour ki promes i ganny akonpli par lafwa an Zezi-Kri, pour tou dimoun ki krwar.

Let Zak 1:17

Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.

1 Zan 3:1

Gete! Nou Papa in telman kontan nou, ki i apel nou zanfan Bondye. An realite se sa ki nou ete. Rezon akoz lemonn pa'n konn nou, se akoz i pa'n konn Bondye.

1 Zan 4:10

Lala kisisa lanmour: Pa nou ki'n kontan Bondye, me Bondye ki'n kontan nou e i'n anvoy son Garson koman en viktim, pour ki par li, nou bann pese i ganny pardonnen.