Matye 6:5 - Labib An Kreol Seselwa

⁵ Kan zot priye, pa fer parey bann ipokrit. Zot kontan debout pour priye dan sinagog e dan tou kwen semen pour ki tou dimoun i war zot. Les mwan dir zot: Sa bann dimoun in deza ganny zot rekonpans.

Matye 6:5 ပူးပေါင်းရင်းမြစ်များ

Psonm 5:2

Mon Bondye! Mon lerwa! Ekout mon lapel. Avek ou ki mon adres mon lapriyer.

Psonm 55:17

Bomaten, midi, aswar mon boulverse, mon plennyen. I ava antann mon lavwa.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Proverb 16:5

SENYER i deteste dimoun arogan; sirman zot pou ganny pini.

Ezai 1:15

Ler zot lev zot lanmen ver mwan, mon pou ferm mon lizye. Menm si zot fer bokou lapriyer, mon pa pou ekoute; zot lanmen i ranpli avek disan.

Zeremi 29:12

Alor, ou ava envok mwan e ou ava kapab ale. Ou ava priy mwan e mon ava antann ou lapriyer.

Danyel 6:10

Kan Danyel ti aprann ki sa lord ti'n ganny sinyen, i ti al dan son lakaz, dan lasanm letaz, kot bann lafnet ki vir ver Zerizalenm. Trwa fwa par zour, i ti met li azenou pour priye e loue son Bondye, parey i ti abitye fer.

Matye 21:22

Tou sa ki zot pou demande par lapriyer avek lafwa, zot pou resevwar.”

Matye 23:13

“Maler lo zot, bann profeser Lalwa ek bann Farizyen! Bann ipokrit! Zot ferm laport Rwayonm Lesyel. Zot menm zot pa antre, e zot pa les antre dimoun ki a kontan antre.

Matye 23:5

Zot fer tou keksoz pour fer dimoun remark zot. Zot agrandi bann bwat dan lekel zot met bann parol sakre ki zot port lo fron e lo lebra. Franz zot rob osi i pli long.

Matye 23:6

Zot kontan premye plas dan resepsyon e rezerv premye plas dan sinagog.

Matye 6:1

Fer atansyon ou akonpli ou bann devwar relizye an piblik, zis pour fer ou ganny remarke. Sankwa, ou Papa ki dan lesyel pa pou rekonpans ou.

Matye 6:16

Kan zot zennen, i pa neseser pran en figir tris, parey bann ipokrit: Zot sanz figir pour ki tou dimoun i war ki zot pe zennen. Mon dir zot, sa i laverite: Sa bann dimoun in deza ganny zot rekonpans.

Matye 6:2

Donk, kan ou fer lomonn, pa bezwen fer tapaz pour atir latansyon, parey bann ipokrit i fer dan sinagog e dan semen. Zot fer sa pour ganny felisite. Mon dir zot, sa i laverite: Sa dimoun in deza ganny son rekonpans.

Matye 9:38

Alor, priye pour ki met rekolt i anvoy plis travayer pou fer sa rekolt.”

Mark 11:25

Kan ou debout pour priye, si ou annan keksoz kont nenport ki, pardonn li, pour ki ou Papa ki dan lesyel ava osi pardonn ou, ou bann pese.

Mark 12:38

Dan son lansennyman, Zezi ti dir, “Mefye zot bann profeser Lalwa, ki kontan mars dan zot bann gran rob, e ganny salye avek respe dan bann landrwa piblik.

Levanzil dapre Lik 11:43

Maler lo zot bann Farizyen! Zot kontan bann premye plas dan bann sinagog e ganny salye dan bann landrwa piblik.

Levanzil dapre Lik 18:1

Zezi ti rakont zot en parabol pour montre ki fodre touzour priye e pa perdi kouraz.

Levanzil dapre Lik 18:13

Sa kolekter taks ti reste lwen deryer. I pa ti menm oze lev lizye pour get lesyel, me i ti tap son lestoma e dir: Mon Bondye! Pran pitye pour mwan ki en peser!

Levanzil dapre Lik 20:47

Zot eksplwat bann vev e pran posesyon zot byen, e fer sanblan fer long lapriyer. Zot kondannasyon pou pli sever.”

Levanzil dapre Lik 6:24

Me maler lo zot, bann ris! Zot in deza ganny zot konsolasyon!

Levanzil dapre Zan 16:24

Ziska aprezan, zot pa ankor demann nanryen an mon non. Demande e zot ava resevwar, pour ki zot lazwa i konplet.”

Efezyen 6:18

Gide par Lespri, priye toultan, avek toudsort lapriyer ek siplikasyon. Pour sa, reste vizilan, touzour fidel; priy avek ferver pour tou bann krwayan.

1 Tesalonisyen 5:17

Priy toultan!

Let Zak 4:6

Me lagras ki Bondye i donnen i siperyer. Annefe, Lekritir i deklare: Bondye i reziste bann ki orgeye, me i donn son lagras bann ki annan limilite.