Matye 5:9 - Labib An Kreol Seselwa

⁹ Byennere bann ki fer lape, akoz zot pou ganny apele bann zanfan Bondye!

Matye 5:9 ပူးပေါင်းရင်းမြစ်များ

1 Kronik 12:17

David ti sorti pour al zwenn zot. I ti dir, “Si zot in vin kot mwan pour lape, koman zanmi pour ed mwan, mon leker pou atase avek zot; me si zot trai mwan avek mon bann lennmi menm si mon pa'n fer nanryen de mal, Bondye nou zanset i war e i ava ziz zot.”

Psonm 120:6

Mon'n reste tro lontan parmi bann dimoun ki pa kontan lape.

Psonm 34:12

Eski ou anvi zouir lavi? Eski ou anvi war bann zour ere?

Matye 5:45

Alor, zot ava vin bann vre garson zot Papa ki dan lesyel. Annefe, i fer son soley leve lo bann ki move e lo bann ki bon; i fer tonbe lapli lo bann ki zis e lo bann ki pa zis.

Matye 5:48

Zot alor, zot devre parfe parey zot Papa ki dan lesyel i parfe.

Levanzil dapre Lik 20:36

Zot pa kapab mor ankor, akoz zot parey bann lanz, e zot in vin bann zanfan Bondye, akoz zot in resisite.

Levanzil dapre Lik 6:35

Me ou, kontan ou bann lennmi, fer dibyen, e prete san esper nanryen an retour. Ou rekonpans i ava gran e ou ava vin zanfan Bondye Treo. Annefe, i bon anver bann ki engra e bann ki move.

Akt de Zapot 7:26

Lannmen, Moiz ti war de Izraelit pe lager e i ti oule met lape ant zot. I ti dir zot: Mon bann zanmi! Zot frer, akoz zot pe maltret kanmarad?

Romen 12:18

Si i posib, fer tou sa ki depann lo zot, pour zot viv anpe avek tou dimoun.

Romen 8:14

Tou dimoun ki les li ganny gide par Lespri Bondye, zot bann zanfan Bondye.

Romen 8:16

Lespri Bondye li menm i rann temwannyaz ki nou zanfan Bondye.

Romen 8:19

Lakreasyon antye ki Bondye in kree pe esper avek enpasyans sa moman kan Bondye pou revele lekel son bann zanfan.

1 Korentyen 6:6

Me en frer i al devan lakour kont enn son frer, e sa, devan en ziz non-krwayan!

2 Korentyen 13:11

Aprezan, mon bann frer ek ser! Mon dir zot adye! Rod laperfeksyon, swiv bann bon konsey, ankouraz kanmarad, viv anpe dakor avek kanmarad, e Bondye lanmour ek lape ava avek zot.

2 Korentyen 5:20

Nou'n vin bann anbasader anvoye par Kris. Atraver nou, Bondye li menm in apel zot. O non Kris, nou sipliy zot, les zot ganny rekonsilye avek Bondye.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Efezyen 4:1

Mwan ki prizonnyen, akoz mon dan servis Senyer, mon sipliy zot: Viv zot lavi dapre sa lapel ki Bondye in fer zot.

Filipyen 4:2

Mon sipliy Evodi ek Sentis, pour zot dakor avek kanmarad, ini dan Senyer.

Kolosyen 3:13

Siport kanmarad, e pardonnen sak fwa ki enn parmi zot i ofans kanmarad. Parey Senyer ti pardonn zot, zot osi pardonn kanmarad.

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.