Matye 5:8 - Labib An Kreol Seselwa

⁸ Byennere bann ki annan leker pir, akoz zot pou war Bondye!

Matye 5:8 ပူးပေါင်းရင်းမြစ်များ

Zenez 32:30

Zakob ti apel sa landrwa Penouel, savedir fas a fas avek Bondye. I ti dir, “Mon'n war SENYER fas a fas, e mon pa'n mor.”

2 Samyel 22:27

Ou pir avek sa enn ki pir; sever avek sa enn ki rize.

Psonm 15:2

Sa enn ki san repros, ki fer sa ki byen, ki dir laverite e son leker i onnet;

Psonm 18:26

Ou pir avek sa enn ki pir; sever avek sa enn ki rize.

Psonm 24:4

Sa enn ki lanmen i prop e leker i pir; ki pa aksepte mansonz e ki pa fer fo promes pour tronp dimoun.

Psonm 51:10

Mon Bondye! Kree dan mwan en leker pir; Redonn mwan en lespri nouvo.

Psonm 51:6

Me ou kontan laverite ki dan fon leker. Alor, dan pli profon mon leker, fer mwan konn lasazes.

Psonm 73:1

Wi! Bondye i bon anver Izrael; anver dimoun avek en leker pir.

Proverb 22:11

Sa enn ki kontan en leker pir, e ki koz byen, pour vin zanmi lerwa.

Akt de Zapot 15:9

I pa ti fer okenn diferans ant zot ek nou; me i ti pirifye zot leker, akoz zot in krwar.

1 Korentyen 13:12

Aprezan, nou war en zimaz flou ki reflekte dan en laglas; me plitar, nou pou war fas a fas. Sa ki mon konnen ozordi, i enkonplet; me plitar, mon pou konn Bondye konpletman, parey li menm i konn mwan.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Let Pol pour bann Tit 1:15

Tou i pir pour sa enn ki pir. Me pour sa enn ki enpir, e ki refize krwar laverite, napa nanryen ki pir, akoz son lespri ek son konsyans i pouri.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

Let Zak 3:17

Me lasazes ki sorti dan lesyel i premyerman pir. I kontan lape, i modere, pare pour met dakor. I ranpli avek pitye ek bon aksyon, san preferans e san lipokrizi.

Let Zak 4:8

Apros avek Bondye, e i ava apros avek zot. Lav zot lanmen, zot ki komet pese! Pirifye zot leker, zot bann ipokrit!

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

Revelasyon 22:4

Zot pou war son vizaz e son non pou ganny enskri lo zot fron.