Matye 5:3 - Labib An Kreol Seselwa

³ Byennere bann ki konnen zot pov, akoz Rwayonm lesyel i pour zot!

Matye 5:3 ပူးပေါင်းရင်းမြစ်များ

2 Kronik 33:12

Dan son gran maler, Manase ti sipliy faver SENYER son Bondye e i ti imilye li bokou devan Bondye son bann zanset.

2 Kronik 33:19

Son lapriyer e lafason ki Bondye ti ekout li, son bann pese ek lenfidelite anver Bondye in ganny ekri dan Liv Listwar Hozai. Sa liv i osi donn non bann landrwa kot Manase ti konstri bann landrwa sakre, kot i ti plas bann poto sakre ek bann stati, avan son imilyasyon.

2 Kronik 33:23

I pa ti imilye li devan SENYER parey son papa, Manase. I ti komet bokou plis fot ankor.

2 Kronik 34:27

Ou leker in ganny touse e ou'n imilye ou devan mwan ler ou ti antann tou sa bann parol kont Zerizalenm e kont son bann zabitan. Ou'n imilye ou devan mwan, ou'n desir ou lenz e ou'n plere. Alor, mwan osi mon'n antann ou, SENYER i deklare.

2 Kronik 7:14

si mon pep ki port mon non, i imilye li, priye e rod mwan; si zot abandonn zot bann move kondwit, mon pou ekout zot depi lao dan lesyel, e pardonn zot pese e geri zot pei.

Liv Zob 42:6

Pour sa rezon, mon rekonnet mon tor e mon repanti dan lapousyer e dan lasann.

Psonm 1:1

Byennere sa enn ki pa ekout konsey bann malfeter, ki pa swiv legzanp dimoun ki fer sa ki mal, ki pa asiz parmi bann dimoun moker!

Psonm 112:1

Loue SENYER! Byennere sa enn ki annan respe pour SENYER; i pran gran plezir pour son komannman.

Psonm 128:1

Byennere sa enn ki annan respe pour SENYER, ki swiv semen ki SENYER i'n trase!

Psonm 146:5

Byennere sa bann ki Bondye Zakob i zot sekour; bann ki met zot lespwar dan SENYER zot Bondye.

Psonm 2:12

rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Psonm 34:18

SENYER i pros avek sa enn ki'n dekouraze. I sov sa enn ki'n perdi tou lespwar.

Psonm 41:1

I byennere sa enn ki port atansyon lo bann ki pov! SENYER pou delivre li kan i dan maler.

Psonm 51:17

Sakrifis ki Bondye i oule, i en leker brize; Bondye pa zanmen rezet en leker konpletman brize.

Psonm 84:12

SENYER liniver! I byennere sa enn ki met son konfyans dan ou.

Proverb 16:19

Vomye viv trankilman parmi bann pov, ki ganny en par dan byen malaki avek bann orgeye.

Proverb 29:23

Lorgey en zonm pour imilye li; me sa enn ki senp, ava ganny loner.

Proverb 8:32

Aprezan, mon bann zanfan! Ekout mwan. Byennere sa bann ki swiv mon semen.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Ezai 66:2

Tou sa ki egziste, se mon lanmen ki'n fer; alor, tousala i pour mwan. Me mon pran pitye pour sa ki malere, sa ki dan dekourazman, sa ki annan gran respe pour mon parol. SENYER ki deklare.

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Matye 11:25

Dan sa letan, Zezi ti dir: Mon remersye ou, Papa, Senyer lesyel ek later. Ou'n kasyet tou sa bann keksoz avek bann dimoun saz e entelizan, me ou'n revel zot avek bann zanfan.

Matye 11:6

Byennere sa enn ki pa refize krwar dan mwan!”

Matye 13:16

Me zot, zot ere: Zot lizye i war kler e zot zorey i tande!

Matye 19:14

Alor, Zezi ti dir, “Les bann zanfan vin kot mwan; pa bezwen anpes zot, akoz Rwayonm lesyel i pour bann ki parey zot.”

Matye 24:46

Ere sa serviter, ki kan son met pou arive, ava war li pe fer son travay!

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Matye 3:2

Sanz zot mannyer viv, akoz Rwayonm lesyel i pros.

Matye 8:11

Mon dir zot ki bokou dimoun pou sorti dan Les e dan Was, pou pran plas dan repa avek Abrahanm, Izaak ek Zakob, dan Rwayonm lesyel.

Mark 10:14

Kan Zezi ti war sa, i pa ti kontan. I ti dir avek son bann disip, “Les bann zanfan vin kot mwan, pa anpes zot, akoz Rwayonm Bondye i pour sa bann ki resanble zot.

Levanzil dapre Lik 11:28

Me Zezi ti dir, “Ere plito sa enn ki ekout Parol Bondye e met li an pratik.”

Levanzil dapre Lik 18:14

Mon dir zot, sa kolekter taks ti retourn kot li son pese pardonnen, me pa sa Farizyen. Annefe, tou dimoun ki esey pas pour pli enportan, pou ganny abese e bann ki abes zot, pou vin pli enportan.”

Levanzil dapre Lik 22:29

Parey mon Papa in donn mwan pouvwar pour gouvern son Rwayonm, mwan osi, mon donn zot menm pouvwar.

Levanzil dapre Lik 22:30

Zot osi, zot ava manze e bwar atab avek mwan dan mon Rwayonm, e zot ava asiz lo tronn pour ziz 12 tribi Izrael.”

Levanzil dapre Lik 4:18

Lespri Senyer i lo mwan, akoz in konsakre mwan pour anons Bonn Nouvel avek bann pov. I'n anvoy mwan proklanm delivrans bann prizonnyen, e fer bann aveg war kler, donn laliberte bann ki ganny oprimen,

Levanzil dapre Zan 20:29

Zezi ti dir li, “Aprezan, ou krwar akoz ou'n war? Ere bann ki krwar san ki zot in war!”

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Let Zak 1:10

Okontrer en frer ki ris, i devre santi li fyer si Bondye i abes li, akoz bann ris pou disparet parey plant sovaz:

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

Revelasyon 19:9

Alor, lanz ti dir mwan: Ekri: Byennere, bann ki ganny envite pour festen maryaz Zenn Mouton. I ti azoute: Sa i bann vre Parol Bondye.

Revelasyon 22:14

Byennere bann ki lav zot rob pour ki zot ganny drwa manz fri pye dibwa lavi, e antre dan lavil par laport.

Revelasyon 3:17

Ou dir: Mon ris, mon'n anrisi, e mon pa bezwen nanryen. Me ou pa konnen konbyen ou malere, mizerab, pov, aveg e touni.