Matye 5:20 - Labib An Kreol Seselwa

²⁰ Mon asir zot: Si zot fidelite anver lavolonte Bondye pa depas fidelite bann profeser Lalwa ek bann Farizyen, zot pa pou kapab antre dan Rwayonm lesyel.

Matye 5:20 ပူးပေါင်းရင်းမြစ်များ

Matye 16:12

Alor, bann disip ti konpran ki Zezi pa ti pe dir zot fer atansyon kont lelven ki servi pour fer dipen, me fer atansyon kont lansennyman bann Farizyen ek bann Sadiseen.

Matye 18:5

Sa enn ki resevwar en zanfan an mon non, parey sa enn, se mwan ki i pe resevwar.”

Matye 3:10

Konmela menm, lars in pare la obor rasin bann pye dibwa. Tou pye dibwa ki pa raport bon fri, pou ganny koupe e zet dan dife.

Matye 7:21

Pa tou sa ki apel mwan: Senyer, Senyer, ki pou antre dan Rwayonm lesyel, me zis sa bann ki fer lavolonte mon Papa ki dan lesyel.

Mark 10:15

Mon dir zot, sa i laverite: Sa enn ki pa resevwar Rwayonm Bondye parey en zanfan, i pa pou zanmen antre dan Rwayonm.”

Mark 10:25

I pli fasil pour en samo pas par trou en zegwir, ki pour en dimoun ris antre dan Rwayonm Bondye.”

Levanzil dapre Lik 11:44

Maler lo zot ki parey bann latonm san mark: Dimoun i mars lo la san konnen.”

Levanzil dapre Lik 12:1

Pandan sa letan, plizyer milye dimoun ti'n rasanble e ti pe mars lo lipye kanmarad. Zezi ti dir dabor avek son bann disip, “Fer atansyon lelven bann Farizyen, savedir zot lipokrizi.

Levanzil dapre Lik 18:17

Mon dir zot, sa i laverite: Sa enn ki pa akey Rwayonm Bondye parey en zanfan, pa pou zanmen antre.”

2 Korentyen 3:9

Annefe, si travay ki ti anmenn kondannasyon, ti reflekte laglwar, sa enn ki rann en dimoun zis, ava reflekte en laglwar bokou pli gran ankor.

2 Korentyen 5:17

Osi, si en dimoun i ini avek Kris, i en kreasyon nouvo: Sa ki vye in disparet; sa ki nouvo ki la.

Filipyen 3:9

e vin konpletman ini avek li. Pa lobeisans Lalwa ki rann mwan zis, me lafwa dan Kris. Bondye ki rann mwan zis e i rann zis sa enn ki krwar dan li.

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.

Revelasyon 21:27

Okenn lenpirte pa pou antre dan lavil, ni personn ki pratik bann akt degoutan ek mansonz. Zis bann ki zot non in ganny enskri dan liv lavi Zenn Mouton ki pou kapab antre.