Matye 5:12 - Labib An Kreol Seselwa

¹² Rezoui e santi zot ere, akoz annan en gran rekonpans pe esper zot dan lesyel! Konmsa menm ki zot bann zanset ti persekit bann profet avan zot.

Matye 5:12 ပူးပေါင်းရင်းမြစ်များ

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

1 Rwa 18:13

Zot in raport ou, mon senyer, sa ki mon ti fer ler Zezabel ti masakre bann profet SENYER; ki mannyer mon ti kasyet 100 zonm parmi bann profet SENYER, par group 50 dan kavern, e ki mannyer mon'n nouri zot avek dipen ek delo?

1 Rwa 18:4

Kan Zezabel ti masakre bann profet SENYER, Abdyas ti pran 100 profet e kasyet zot par group 50 dan en kavern kot i ti nouri zot avek dipen ek delo.

1 Rwa 19:2

Zezabel ti anvoy en mesaze kot Eli pour dir li, “Mon demann bann bondye pini mwan, si demen, menm ler, mon pa'n fer avek ou lavi parey ou'n fer avek pour zot.”

1 Rwa 21:20

Akab ti dir Eli, “La ou'n trouv mwan, mon lennmi!” Eli ti dir li, “Mon'n trouv ou akoz ou'n kontan fer tou sa ki depler SENYER.

1 Rwa 22:8

Lerwa Izrael ti dir Zozafat, “I annan ankor en zonm par ki nou kapab konsilte SENYER. Sa i Mise, garson Imla. Me mon pa kontan li, akoz i pa zanmen profetiz sa ki bon pour mwan; i touzour anons maler.” Me Zozafat ti dir, “Lerwa pa kapab koz konmsa.”

2 Rwa 1:9

Apre, lerwa ti anvoy en sef 50 avek son 50 zonm. Sa zonm ti al kot Eli ki ti pe asiz anler lo latet en kolin. I ti dir li, “Profet Bondye! Lerwa i dir ou desann.”

2 Kronik 16:10

Asa ti ankoler avek sa profet; i ti fer ansenn li dan prizon. I ti ankoler akoz parol profet Hanani. Dan sa letan i ti osi vin kriyel anver serten dimoun dan pei.

2 Kronik 36:16

Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Psonm 19:11

Menm mwan, ou serviter, mon ganny averti; i annan gran rekonpans pour sa enn ki met zot an pratik.

Psonm 58:11

Dimoun ava dir: Vreman! I annan en rekonpans pour bann dimoun ki zis. Vreman! I annan en Bondye ki ziz later!

Proverb 11:18

En malfeter i travay pour nanryen; me sa enn ki senm lazistis i ganny en vre rekonpans.

Ezai 3:10

Dir sa ki inosan koman i ere, akoz i pou rekolte fri son travay.

Zeremi 2:30

Mon'n esey koriz ou bann zanfan; me sa pa'n servi dan nanryen. Parey en lyon anraze, ou'n masakre bann profet ki mon ti'n anvoy ou.

Zeremi 26:8

Kan Zeremi ti'n fini dir tou sa ki SENYER ti'n ordonn li dir avek lepep, bann pret, bann profet e lepep antye ti sezi li e zot ti kriye: Ou merit lanmor!

Zeremi 37:14

Zeremi ti reponn, “Sa i en mansonz. Mon pe al rann mon lekor avek bann Babilonyen”. Me Yiriya pa ti krwar li. I ti aret Zeremi e anmenn li kot bann zofisye.

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Matye 6:16

Kan zot zennen, i pa neseser pran en figir tris, parey bann ipokrit: Zot sanz figir pour ki tou dimoun i war ki zot pe zennen. Mon dir zot, sa i laverite: Sa bann dimoun in deza ganny zot rekonpans.

Levanzil dapre Lik 13:34

Zerizalenm, Zerizalenm! Ou ki touy bann profet e donn koudros bann ki Bondye in anvoy kot ou! Konbyen fwa mon ti oule rasanble ou bann zanfan, parey en mer poul i rasanble son bann piti anba son lezel, me ou pa'n oule!

Levanzil dapre Lik 6:23

Rezoui sa zour, sote avek kontantman, akoz zot rekonpans pou gran dan lesyel. Annefe, konmsa ki zot bann zanset ti tret bann profet.

Levanzil dapre Lik 6:35

Me ou, kontan ou bann lennmi, fer dibyen, e prete san esper nanryen an retour. Ou rekonpans i ava gran e ou ava vin zanfan Bondye Treo. Annefe, i bon anver bann ki engra e bann ki move.

Akt de Zapot 16:25

Ver minwi, Pol ek Silas ti pe priye e sant kantik pour rann glwar Bondye. Lezot prizonnyen ti pe ekout zot.

Akt de Zapot 5:41

Bann zapot ti kit lasal Konsey, byen kontan, ki zot ti'n ganny konsidere diny pour ganny maltrete pour sa non Zezi.

Romen 5:3

Anplis ki sa, nou rezoui osi menm dan nou bann soufrans, akoz nou konnen ki lasoufrans i prodwi lapasyans;

1 Korentyen 3:8

Sa enn ki plante ek sa enn ki aroze, zot egal; sakenn pou ganny son saler dapre son travay.

2 Korentyen 4:17

Nou bann pti soufrans aktyel pe prepar pour nou en gran laglwar eternel ki napa okenn konparezon.

Filipyen 1:29

ki'n akord zot sa privilez pour servi Kris. Pa zis pour krwar dan li, me osi pou soufer pour li.

Filipyen 2:17

Petet ki mon disan ava ganny verse koman en lofrann avek sakrifis ki zot lafwa i prezante devan Bondye. Si sa i arive, mon ere e mon partaz mon lazwa avek zot tou.

Kolosyen 1:24

Aprezan, mon trouv mon lazwa dan bann soufrans ki mon pe pas atraver pour zot. Par mon bann soufrans fizik, mon pe kontinyen konplet soufrans lekor Kris, setadir, Legliz.

Kolosyen 3:24

Annefe, zot konnen ki zot pou resevwar an rekonpans bann byen ki Senyer in rezerve pour zot. Se nou Senyer, Kris, ki zot pe servi.

1 Tesalonisyen 2:15

Sa bann dimoun ki'n met anmor Senyer Zezi ek bann profet, zot in osi persekit nou. Sa pa'n fer plezir Bondye. Pour sa rezon, zot in vin lennmi tou dimoun.

Ebre 10:34

Zot ti annan konpasyon pour bann prizonnyen; kan zot byen ti ganny sezi, zot ti aksepte sa avek lazwa, akoz zot ti konnen ki zot ti posed bann byen bokou meyer ki dire pour touzour.

Ebre 11:26

I ti aksepte ganny meprize parey Kris, ki i ti konsider koman en larises pli gran valer ki bann trezor Lezip. Annefe, son regar ti fikse lo rekonpans fitir.

Ebre 11:33

Par lafwa, zot ti ganny laviktwar lo bann rwayonm; zot ti etabli lazistis e ganny sa ki Bondye ti'n promet: I ti ferm lagel bann lyon,

Ebre 11:6

San lafwa, personn pa kapab fer plezir Bondye. Annefe, sa enn ki apros kot Bondye i devre krwar ki Bondye i egziste e ki i rekonpans tou dimoun ki rod li.

Let Zak 1:2

Mon bann frer! Aksepte avek bonker, tou bann leprev ki zot pas ladan.

Let Zak 5:10

Mon bann frer! Pran pour legzanp, lasoufrans ek pasyans bann profet ki'n anons mesaz Senyer.

1 Pyer 4:13

Okontrer, zot devre kontan ki zot pe partisip dan soufrans Kris. Konmsa, zot osi, zot ava ranpli avek lazwa, kan son laglwar ava ganny revele.

Rit 2:12

SENYER ava rekonpans ou pour tou sa ki ou fer. Ou'n vin plas ou anba proteksyon SENYER, Bondye Izrael. I pou rekonpans ou plennman.”