Matye 5:11 - Labib An Kreol Seselwa

¹¹ Zot byennere, kan zot ganny ensilte, persekite akoz mwan; kan dimoun i koz dimal kont zot, akoz mwan!

Matye 5:11 ပူးပေါင်းရင်းမြစ်များ

Psonm 35:11

Bann fo temwen i leve. Zot kestyonn mwan lo sa ki mon pa konnen.

Psonm 44:22

Akoz ou, nou ganny martirize tou lazournen e ganny trete parey mouton pour labatwar.

Ezai 25:8

La sa ki SENYER i promet: Lanmor pou disparet pour touzour. Senyer BONDYE pou eswiy tou larm lo tou bann figir. I pou fer disparet laont son pep.

Ezai 51:7

Ekout mwan! Ou ki konn lazistis! Ou sa pep ki gard mon lansennyman dan ou leker! Pa bezwen per repros ki sorti kot zonm. Pa bezwen tranble ler zot ensilte ou,

Ezai 66:5

Ou ki annan respe pour parol SENYER, ekout sa ki i dir: Ou prop frer ki ay ou, ki'n rezet ou akoz mwan, in dir: SENYER i montre ou son laglwar, pour ki nou war zot lazwa. Me se zot ki ganny kouver avek laont.

Zeremi 37:14

Zeremi ti reponn, “Sa i en mansonz. Mon pe al rann mon lekor avek bann Babilonyen”. Me Yiriya pa ti krwar li. I ti aret Zeremi e anmenn li kot bann zofisye.

Matye 10:18

Akoz mwan, zot pou ganny anmennen devan bann gouverner ek bann lerwa. Zot ava mon temwen devan zot e devan bann non-Zwif.

Matye 10:22

Tou dimoun pou ay zot akoz mwan. Me sa enn ki persevere ziska lafen, pou ganny sove.

Matye 10:25

En disip i devre kontant pour vin parey son met, e en serviter parey son bourzwa. Si zot in apel Belzebil, sa enn ki sef lafanmir, a pli fort rezon, lezot manm son fanmir ava ganny ensilte.

Matye 10:39

Sa enn ki oule gard son lavi pou perdi li, me sa enn ki perdi son lavi akoz mwan, pou gard li.

Matye 19:29

Tou bann ki'n kit zot lakaz, frer, ser, papa, manman, zanfan, propriyete akoz mwan, pou ganny 100 fwa plis e zot pou erit lavi eternel.

Matye 24:9

Zot pou ganny persekite e ganny met anmor. Dimoun pou ay zot akoz mwan.

Matye 27:39

Dimoun ki ti pe pase ti sekwe latet e ensilte li:

Mark 13:13

Tou dimoun pou ay zot akoz mon non. Me sa enn ki reste fidel ziska lafen, pou ganny sove.

Mark 13:9

Me zot, fer atansyon. Zot pou ganny arete e ganny trennen devan bann tribinal. Zot pou ganny bate dan bann sinagog. Akoz mon non, zot pou debout devan bann dirizan pei ek bann lerwa. Zot ava mon bann temwen devan zot.

Mark 4:17

Me akoz zot napa rasin, zot tenir zis pour en pti moman. Kan difikilte ek persekisyon akoz Laparol i arive, deswit zot tonbe.

Mark 8:35

Annefe, tou dimoun ki anvi sov son lavi, pou perdi li. Me sa enn ki perdi son lavi akoz mwan e akoz Bonn Nouvel, pou sov li.

Levanzil dapre Lik 21:12

Me avan tousala, zot pou ganny arete, persekite e ganny anmennen dan bann sinagog e zet dan prizon. Akoz mon non, zot pou ganny anmennen devan bann lerwa ek bann gouverner.

Levanzil dapre Lik 21:17

Dimoun pou ay zot akoz mon non.

Levanzil dapre Lik 6:22

Zot byennere, kan dimoun i ay zot, e malparl zot; kan zot ganny rezete, ensilte e dimoun i dir dimal lo zot akoz Fis-de-Lonm!

Levanzil dapre Lik 9:24

Sa enn ki oule sov son lavi pou perdi li, e sa enn ki perdi son lavi akoz mwan, pou sov son lavi.

Levanzil dapre Zan 15:21

Me tousala pou arive avek zot akoz mwan. Annefe, zot pa konn sa enn ki'n anvoy mwan.

Levanzil dapre Zan 9:28

Zot ti ensilte li e dir li, “Ou, ou disip sa zonm; me nou, nou disip Moiz.

Akt de Zapot 9:16

Mon pou montre li tou sa ki i pou bezwen soufer akoz mon non.”

Romen 8:36

Lekritir i deklare: Akoz ou, nou pe ganny met anmor tou le zour. Nou ganny trete parey mouton ki pe al ganny egorze labatwar.

1 Korentyen 4:10

Akoz Kris, nou pas pour bann fou. Me zot, zot saz dan linyon avek Kris. Nou, nou feb, me zot, zot for. Nou, nou ganny meprize, me zot, zot ganny loner.

2 Korentyen 4:11

Annefe, nou ki vivan, nou touzour pe ganny met anmor akoz Zezi, pour ki lavi Zezi i ganny manifeste dan nou lekor mortel.

Filipyen 1:29

ki'n akord zot sa privilez pour servi Kris. Pa zis pour krwar dan li, me osi pou soufer pour li.

1 Pyer 2:23

Kan zot ti ensilte li, i pa ti reponn par lensilt. Dan son soufrans, i pa'n fer okenn menas; me i ti met tou dan lanmen Bondye ki rann lazistis.

1 Pyer 4:14

Si zot ganny maltrete akoz non Kris, zot devre ere, akoz Lespri laglwar, Lespri Bondye i repoz lo zot.

Revelasyon 2:3

Mon konnen ki ou annan perseverans. Ou'n soufer tou akoz mon non, e ou pa'n dekouraze.