Matye 5:10 - Labib An Kreol Seselwa

¹⁰ Byennere bann ki ganny persekite pour lazistis, akoz Rwayonm lesyel i pour zot!

Matye 5:10 ပူးပေါင်းရင်းမြစ်များ

Psonm 37:12

Bann malfeter i fer konplo kont sa enn ki zis; zot grens son ledan kont li.

Ezai 66:5

Ou ki annan respe pour parol SENYER, ekout sa ki i dir: Ou prop frer ki ay ou, ki'n rezet ou akoz mwan, in dir: SENYER i montre ou son laglwar, pour ki nou war zot lazwa. Me se zot ki ganny kouver avek laont.

Matye 10:23

Kan zot ava ganny persekite dan en lavil, sov dan en lot. Mon dir zot, sa i laverite: Zot pa pou ankor fini fer letour tou bann lavil dan Izrael, avan ki Fis-de-Lonm i vini.

Matye 19:14

Alor, Zezi ti dir, “Les bann zanfan vin kot mwan; pa bezwen anpes zot, akoz Rwayonm lesyel i pour bann ki parey zot.”

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Matye 5:3

Byennere bann ki konnen zot pov, akoz Rwayonm lesyel i pour zot!

Mark 10:14

Kan Zezi ti war sa, i pa ti kontan. I ti dir avek son bann disip, “Les bann zanfan vin kot mwan, pa anpes zot, akoz Rwayonm Bondye i pour sa bann ki resanble zot.

Mark 10:30

pou ganny 100 fwa plis. Deza konmela, i pou ganny lakaz, frer, ser, manman, zanfan, later; me osi persekisyon. E dan lemonn fitir, i ava ganny lavi eternel.

Levanzil dapre Lik 21:12

Me avan tousala, zot pou ganny arete, persekite e ganny anmennen dan bann sinagog e zet dan prizon. Akoz mon non, zot pou ganny anmennen devan bann lerwa ek bann gouverner.

Levanzil dapre Lik 22:29

Parey mon Papa in donn mwan pouvwar pour gouvern son Rwayonm, mwan osi, mon donn zot menm pouvwar.

Levanzil dapre Lik 6:20

Alor, Zezi ti fikse son regar lo son bann disip. I ti dir: Byennere bann ki pov, Rwayonm Bondye i pour zot!

Levanzil dapre Lik 6:22

Zot byennere, kan dimoun i ay zot, e malparl zot; kan zot ganny rezete, ensilte e dimoun i dir dimal lo zot akoz Fis-de-Lonm!

Levanzil dapre Zan 15:20

Rapel byen sa ki mon ti dir zot: En serviter pa pli enportan ki son met. Si zot in persekit mwan, zot osi, zot pou ganny persekite. Si zot in obei mon lansennyman, zot pou osi obei lansennyman ki zot pou donnen.

Akt de Zapot 5:40

Zot ti rapel bann zapot, fer fwet zot, e donn zot lord pour pa koz ankor lo non Zezi. Apre sa, zot ti les zot ale.

Akt de Zapot 8:1

Sol ti dakor avek sa bann ki ti touy Etyenn. Sa menm zour, en gran persekisyon kont Legliz Zerizalenm ti konmanse. Tou bann krwayan, eksepte bann zapot, ti sov dan bann rezyon Zide ek Samari.

2 Korentyen 4:17

Nou bann pti soufrans aktyel pe prepar pour nou en gran laglwar eternel ki napa okenn konparezon.

Filipyen 1:28

Pa les zot ganny entimide par zot bann ladverser. Sa i ava pour zot en siny ki zot lo en semen ki anmenn ver zot destriksyon. Me pour zot, i ava en siny delivrans ki sorti kot Bondye

2 Timote 2:12

Si nou persevere, avek li nou pou rennyen. Si nou rezet li, li osi i pou rezet nou.

2 Timote 3:11

mon bann persekisyon, e dan mon bann soufrans. Ou konn byen sa ki ti ariv mwan Antyos, Ikonyonm, List, ek tou sa bann persekisyon ki mon'n siporte. Me Senyer in delivre mwan dan tou.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

Let Zak 5:11

Nou deklar zot byennere akoz zot i'n reste fidel. Zot in antann koz lo pasyans Zob. Zot in war sa ki Senyer in fer pour li alafen. Annefe, Senyer i ranpli avek labonte ek konpasyon.

1 Zan 3:12

Annou pa fer parey Kaen. I ti zanfan dyab e i ti touy son frer. Pour ki rezon i ti touy li? Akoz son bann aksyon ti move, e bann aksyon son frer ti zis.

Revelasyon 2:10

Pa per pour sa ki ou pou soufer. Dyab pou byento zet serten parmi zot dan prizon, pour teste zot. Zot pou bezwen soufer pandan dis zour. Me reste fidel ziska lanmor, e mon ava donn ou kouronn lavi.