Matye 4:3 - Labib An Kreol Seselwa

³ Dyab ti vin tant Zezi. I ti dir li, “Si ou Garson Bondye, donn lord ki sa bann ros i vin dipen.”

Matye 4:3 ပူးပေါင်းရင်းမြစ်များ

Egzod 16:3

Pep Izrael ti dir zot, “Plito SENYER ti'n touy nou depi Lezip kot nou ti asiz devan bann marmit lavyann, kot nou ti manz dipen nou vant plen. Ou'n anmenn sa pep antye dan dezer pour li mor lafen.”

Matye 14:33

Bann disip ki ti dan kannot ti prostern devan Zezi. Zot ti dir, “Vreman ou Garson Bondye!”

Matye 16:16

Simon Pyer ti reponn, “Ou menm Mesi, Garson Bondye vivan.”

Matye 26:63

Me Zezi ti gard silans. Alor, Gran-Pret ti dir li, “Lo non Bondye vivan, mon demann ou, dir nou si ou menm Mesi, Garson Bondye.”

Matye 3:17

En lavwa sorti dan lesyel ti dir, “Sa i mon Garson byenneme, ki donn mwan bokou lazwa.”

Mark 1:1

La Bonn Nouvel Zezi-Kri, Garson Bondye.

Mark 3:11

Kan bann ki ti pe ganny tourmante par bann move lespri ti war Zezi, zot ti tonm devan li e kriye: Ou menm Garson Bondye!

Mark 5:7

I ti kriy avek tou son lafors, “Ki ou pe rode avek mwan, Zezi, Garson Bondye Treo? Mon sipliy ou: Lo non Bondye, pa tourmant mwan.”

Levanzil dapre Lik 1:35

Lanz ti reponn li, “Lespri Sen pou desann lo ou. Bondye pou kouver ou avek son pwisans parey en lonbraz. Pour sa rezon, sa zanfan ki pou ne pou konsakre pour Bondye. I pou apel Garson Bondye.

Levanzil dapre Lik 22:70

Zot tou zot ti demande, “Alor, ou menm Garson Bondye?” Zezi ti reponn, “Zot menm, zot in dir.”

Levanzil dapre Lik 4:3

Alor, dyab ti dir li, “Si ou Garson Bondye, donn lord ki sa ros i vin dipen.”

Levanzil dapre Lik 4:41

Bann demon ti sorti dan bokou dimoun, an kriyan, “Ou menm Garson Bondye!” Alor, Zezi ti reprimann zot. I ti anpes zot koze, akoz zot ti konnen ki li menm Mesi.

Levanzil dapre Lik 4:9

Apre sa, dyab ti anmenn Zezi Zerizalenm. I ti met li debout lo lapwent twa Tanp. Dyab ti dir li, “Si ou Garson Bondye, zet ou anba.

Levanzil dapre Zan 1:34

Mwan mon'n war sa, e la mon konfirmen: Li menm Garson Bondye.

Levanzil dapre Zan 1:49

Natanael ti dir li, “Met! Ou menm Garson Bondye. Ou menm lerwa pep Izrael.”

Levanzil dapre Zan 20:31

Me sa bann keksoz ki la in ganny ekri pour ki zot krwar ki Zezi i li menm Mesi, Garson Bondye. Si zot krwar dan li, zot ava ganny lavi par son non.

Levanzil dapre Zan 9:35

Kan Zezi ti'n antann ki sa aveg ti'n ganny sase dan sinagog, i ti al rod li e i ti demann li, “Eski ou krwar dan Fis-de-Lonm?”

Akt de Zapot 9:20

Deswit, i ti konmans proklanmen dan bann sinagog ki Zezi i Garson Bondye.

2 Korentyen 1:19

Annefe, Garson Bondye, Zezi-Kri, ki Silven, Timote ek mwan menm nou'n anonse parmi zot, pa ti wi ek non. O kontrer, dan li, i'n touzour annan zis wi.

Galat 2:20

nepli mwan ki pe viv, me Kris ki pe viv dan mwan. Lavi ki mon annan aprezan, mon viv li par lafwa dan Garson Bondye ki'n kontan mwan. Li menm ki'n donn son lavi pour mwan.

1 Tesalonisyen 3:5

Pour sa rezon, akoz mon ti nepli kapab siporte espere, mon ti anvoy Timote pran nouvel zot lafwa. Mon ti per ki dyab ti'n tant zot e ki tou nou travay ti ava'n vin initil.

Ebre 12:16

Fer atansyon ki personn pa anmenn en lavi imoral. Pa mank respe pour sa ki sakre, parey Ezai ki, pour en sel repa, ti vann son drwa koman lene garson.

Ebre 4:14

Alor, pandan ki nou annan en Gran-Pret siprenm, Zezi, Garson Bondye ki'n travers lesyel, annou tenir byen for lafwa ki nou proklanmen.

Ebre 7:3

Personn pa konn ni son papa, ni son manman, ni son zanset; e son lavi napa ni konmansman, ni lafen. Parey Garson Bondye, i reste pret pour touzour.

1 Zan 3:8

Sa enn ki kontinyen fer pese i pour dyab, akoz dyab in fer pese depi o konmansman! Rezon akoz Garson Bondye in vini, se pour detri bann travay dyab.

Revelasyon 2:10

Pa per pour sa ki ou pou soufer. Dyab pou byento zet serten parmi zot dan prizon, pour teste zot. Zot pou bezwen soufer pandan dis zour. Me reste fidel ziska lanmor, e mon ava donn ou kouronn lavi.