Matye 4:22 - Labib An Kreol Seselwa

²² Deswit, zot ti kit zot kannot ek zot papa e swiv Zezi.

Matye 4:22 ပူးပေါင်းရင်းမြစ်များ

Matye 10:37

Sa enn ki kontan son papa oubyen son manman plis ki mwan, i pa merit ganny apele mon disip. Sa enn ki kontan son garson oubyen son fiy plis ki mwan, i pa merit ganny apele mon disip.

Matye 4:21

En pe pli lwen, Zezi ti war de lot frer, Zak ek Zan, de garson Zebede. Zot ti dan kannot avek zot papa Zebede, e zot ti pe repar zot lasenn. Zezi ti apel zot.

Matye 4:23

Zezi ti al partou dan Galile. I ti prese dan bann sinagog e anons Bonn Nouvel konsernan Rwayonm Bondye. I ti geri toudsort maladi ek soufrans parmi lepep.

Mark 1:20

Deswit, Zezi ti apel zot. Zot ti kit zot papa, Zebede dan kannot avek bann travayer e zot ti swiv Zezi.

Levanzil dapre Lik 14:26

“Sa enn ki vin kot mwan, i devre prefer mwan plis ki son papa, son manman, son fanm ek son zanfan, son frer ek son ser, e menm son prop lavi. Otreman i pa kapab vin mon disip.

Levanzil dapre Lik 14:33

Ensi, nenport parmi zot ki pa abandonn tou sa ki i annan, i pa kapab vin mon disip.”

Levanzil dapre Lik 5:11

Apre ki zot ti'n anmenn zot kannot ater, zot ti kit tou e zot ti swiv Zezi.

2 Korentyen 5:16

Alor, dezormen, nou nepli konn personn lo kote imen. Si otrefwa, nou'n konn Kris dapre lespri imen, aprezan, nou nepli konn li konmsa.