Matye 4:10 - Labib An Kreol Seselwa

¹⁰ Zezi ti reponn li, “Sorti la, Satan! Ale. I'n ekri: Se Senyer, ou Bondye ki ou devre adore e li tousel ki ou devre servi!”

Matye 4:10 ပူးပေါင်းရင်းမြစ်များ

1 Kronik 21:1

Satan ti deside pour atak Izrael; i ti pous David pour fer resansman pep Izrael.

Liv Zob 1:12

SENYER ti dir Lakizater. “Dakor! Tou sa ki i annan i dan ou pouvwar; selman pa tous son lavi.” Alor, Lakizater ti kit prezans SENYER.

Liv Zob 1:6

En zour, bann garson Bondye ti prezant zot devan SENYER. Lakizater osi ti vin parmi zot.

Liv Zob 2:1

En zour, kan bann garson Bondye ti prezant zot devan SENYER, Lakizater osi ti vin parmi zot pour prezant li devan SENYER.

Psonm 109:6

Zot dir: Rod en malfeter pour akiz li; met sa enn ki akiz li debout lo son kote drwat.

Egzod 23:25

Zot ava ador SENYER zot Bondye e i ava beni zot dipen ek zot delo. Mon pou elwanny tou maladi parmi zot.

Ezai 30:22

Alor, ou ava konsider koman enpir, larzan ki kouver ou bann stati; lor ki lo ou bann zidol an metal. Ou ava zet zot parey salte. Ou ava dir zot: Sorti la salte!

Matye 16:23

Me Zezi ti tournen. I ti dir li, “Ale! Sorti la, Satan! Ou en lobstak dan mon semen. Sa ki ou pe mazinen pa sorti kot Bondye, me kot zonm.”

Mark 1:13

I ti reste dan dezer pandan 40 zour e ganny tante par Satan. I ti reste parmi bann zannimo sovaz, e bann lanz ti servi li.

Levanzil dapre Lik 10:18

Zezi ti dir zot, “Mon ti war Satan tonbe sorti dan lesyel parey en zekler.

Levanzil dapre Lik 11:18

Si Satan i divize kont li menm, ki mannyer son rwayonm pou kapab tenir? Annefe, zot dir ki mon sas bann demon par pouvwar Belzebil.

Levanzil dapre Lik 13:16

Sa fanm, en fiy Abrahanm ki Satan ti'n anmare pandan 18 an, pa ti devre ganny delarge zour saba?”

Levanzil dapre Lik 22:3

Alor, Satan ti antre dan Zida, alyas Iskaryot. I ti enn parmi bann 12 disip.

Levanzil dapre Lik 22:31

Zezi ti dir Simon Pyer, “Simon, Simon! Satan in demann pouvwar pour li kapab sekwe ou, parey en fermye i sekwe dible pour li separ lagrenn dible ek son lapay.

Levanzil dapre Lik 4:8

Zezi ti reponn li, “I'n ekri: Ou devre ador Senyer ou Bondye, e servi zis li tousel.”

Levanzil dapre Zan 13:27

Apre ki Zida ti pran sa morso dipen, Satan ti antre dan li. Zezi ti dir li, “Sa ki ou annan pour fer, fer li vit.”

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

Akt de Zapot 5:3

Pyer ti dir li, “Ananyas! Akoz ou'n les Satan pran kontrol ou leker? Ou'n koz manti avek Lespri Sen, an gardan en parti larzan ki ou'n gannyen pour sa propriyete.

1 Korentyen 5:5

Alor, zot ava livre sa zonm avek Satan pour ki son lekor i ganny detri. Me ki son lespri i ganny sove zour Senyer.

1 Korentyen 7:5

Pa bezwen refiz kanmarad; amwen ki zot tonm dakor pandan en serten letan, pour lapriyer. Apre, retourn ansanm, pour ki Satan pa profite pour tant zot e fer zot perdi kontrol.

2 Korentyen 11:14

Sa pa etonan, akoz Satan li menm i degiz li koman lanz lalimyer.

2 Korentyen 12:7

Sepandan, pour ki mon pa vant mon lekor pour sa bann revelasyon ekstraordiner, mon'n ganny en soufrans dan mon lekor. I koman en mesaze Satan ki'n ganny anvoye pour tourmant mwan e anpes mwan fer vantar.

2 Korentyen 2:11

pour ki nou pa les nou ganny tronpe par Satan. Annefe, nou konn byen son bann lentansyon.

Deterononm 10:20

Zot ava annan respe pour SENYER, zot Bondye; zot ava ador zis li. Reste atase avek li, e zot ava fer serman lo son non.

Let Zak 4:7

Alor, soumet zot kot Bondye, me reziste kont dyab e i ava sov lwen kot zot.

Zozye 24:14

Aprezan, annan respe pour SENYER, e servi li senserman e avek fidelite. Detri bann bondye ki zot zanset ti servi ler zot ti lot kote larivyer Efrat e Lezip; servi SENYER.

1 Pyer 5:9

Reziste li e reste ferm dan lafwa. Pa oubliye ki zot bann frer dan lemonn antye pe pas par menm soufrans.

1 Samyel 7:3

Samyel ti dir pep Izrael antye, “Si zot retourn ver SENYER avek tou zot leker, fer disparet parmi zot tou sa bann bondye etranze, ek bann stati Astarte; si zot donn SENYER zot leker e servi zis li, alor, i ava delivre zot dan lanmen bann Filisten.”