Matye 28:3 - Labib An Kreol Seselwa

³ Son laparans ti parey zekler e son lenz ti blan parey lannez.

Matye 28:3 ပူးပေါင်းရင်းမြစ်များ

Akt de Zapot 1:10

Zot ti ankor pe fikse lesyel kot Zezi ti pe monte, kan de zonm abiye an blan ti aparet akote zot.

Mark 9:3

Son lenz ti vin blan, klate; personn lo later pa kapab fer lenz vin sitan blan.

Mark 16:5

Alor, zot ti antre dan tonbo, e la, zot ti war en zennonm abiye dan en rob blan, pe asize lo kote drwat; zot ti per.

Revelasyon 18:1

Apre sa, mon ti war en lot lanz desann sorti dan lesyel. I ti annan en gran lotorite e later ti ganny eklere par son laglwar.

Levanzil dapre Zan 20:12

I ti war de lanz abiye dan lenz blan, pe asiz la dan landrwa kot lekor Zezi ti ete, enn kot latet e lot kot lipye.

Revelasyon 10:1

Alor, mon ti war sorti dan lesyel en lot lanz pwisan, anvlope avek en nyaz e avek en larkansyel otour son latet. Son figir ti koman soley, e son lazanm koman de kolonn dife.

Matye 17:2

Letan zot ti la, laparans Zezi ti sanze: Son figir ti klate parey soley; son lenz ti vin blan, klate koman lalimyer.

Danyel 7:9

Pandan ki mon ti kontinyen regarde, bann tronn ti ganny enstale. En Vyeyar ti asiz lo tronn. Son lenz ti blan parey lannez, son seve ti parey lalenn pir. Son tronn ti briye avek laflanm, bann larou tronn ti alimen parey dife.

Psonm 104:4

I servi divan koman son mesaze; laflanm dife koman son serviter.

Matye 28:4

Bann gard ti tranble avek lafreyer; zot ti parey dimoun mor.