Matye 27:3 - Labib An Kreol Seselwa

³ Kan Zida, sa enn ki ti'n trai Zezi, ti war ki Zezi ti'n ganny kondannen anmor, i ti ranpli avek remor. I ti retourn kot bann gran-pret ek bann ansyen avek sa 30 pyes larzan.

Matye 27:3 ပူးပေါင်းရင်းမြစ်များ

Liv Zob 20:5

boner bann malfeter pa dire; e ki lazwa en malfeter i kourt?

Egzod 21:32

Si en bef i tap en lesklav, zonm oubyen fanm, son met ava donn met sa lesklav 30 pyes larzan e sa bef ava ganny saboule avek ros.

Zakari 11:13

La sa ki SENYER ti dir mwan: Met sa larzan, dan trezor. Sa i en zoli pri, ki montre ki valer mon annan pour zot. Alor, mon ti pran sa 30 pyes larzan e mon ti zet dan trezor, dan tanp SENYER.

Levanzil dapre Zan 13:2

Zezi ti pe dinen avek son bann disip. Satan ti'n fini met dan lespri Zida, garson Simon Iskaryot, lide pour trai Zezi.

Levanzil dapre Zan 13:27

Apre ki Zida ti pran sa morso dipen, Satan ti antre dan li. Zezi ti dir li, “Sa ki ou annan pour fer, fer li vit.”

Levanzil dapre Zan 18:3

Alor, Zida ti anmenn en group solda Romen ek bann gard Tanp ki bann gran-pret ek bann Farizyen ti'n anvoye. Ansanm, zot ti al dan zarden. Zot ti arive avek lantern, flanbo ek zarm.

Akt de Zapot 1:18

Avek larzan ki i ti'n ganny peye pour son krim, Zida ti aste en morso later, kot i ti tonm par latet e i ti mor. Son lekor ti pete e tou son zentesten ti fannen.

2 Korentyen 7:10

Annefe, latristes ki dapre plan Bondye, i prodwi repantans ki donn delivrans, san ki nou bezwen regrete. Me latristes ki vin akoz bann traka lemonn, i prodwi lanmor.