Matye 26:7 - Labib An Kreol Seselwa

⁷ Letan Zezi ti pe manze, en fanm ti apros li avek en flakon plen avek en lesans ser. I ti vid sa lesans lo latet Zezi.

Matye 26:7 ပူးပေါင်းရင်းမြစ်များ

2 Rwa 9:1

Apre, profet Elize ti apel enn parmi bann profet. I ti dir li, “Met en sang otour ou leren, pran en fyol delwil dan ou lanmen e al Ramot-Galaad.

Psonm 133:2

I parey delwil parfimen ki koule lo latet Aaron, ki desann ziska dan son labarb, ziska lo bor kol son rob.

Eklezyas 10:1

Detrwa mous mor i enfekte e detri en parfen; en pe sotiz i gat lasazes ek loner.

Eklezyas 9:8

Gard ou lenz toultan byen elegan e pa manke touzour met delwil lo ou latet.

Kantik Salomon 1:3

Ou bann parfen i santi bon. Ou sedwir mwan parey en parfen. Pour sa rezon ki bann zenn fiy i kontan ou.

Ezai 57:9

Zot in prezant zot devan bondye Molek avek delwil e en kantite parfen. Zot in anvoy zot bann mesaze tre lwen e menm anvoy zot ziska dan lemonn lanmor.

Matye 26:8

Kan bann disip ti war sa, zot ti ankoler. Zot ti dir, “Akoz sa gaspiyaz?

Mark 14:3

Letan Zezi ti Betani, e pe manze kot Simon, ki ti annan en maladi parey lalep, en fanm ti antre avek en flakon plen avek en lesans nar pir, byen ser. I ti kas sa flakon e vers sa lesans lo latet Zezi.

Levanzil dapre Lik 7:46

Ou pa ti vers delwil lo mon latet. Me li, i'n kouver mon lipye avek lesans.