Matye 26:41 - Labib An Kreol Seselwa

⁴¹ Veye e priye pour zot pa tonm dan tantasyon. Annefe, lespri i for, me lekor i feb.”

Matye 26:41 ပူးပေါင်းရင်းမြစ်များ

Psonm 119:1

Byennere sa bann ki annan en konportman san defo e ki mars dapre lalwa SENYER.

Psonm 119:115

Ou ki fer sa ki mal! Dekile kot mwan. Les mwan obzerv bann komannman mon Bondye.

Psonm 119:117

Soutenir mwan e mon ava ganny sove. Mon pa zanmen oubliy ou bann regleman.

Psonm 119:32

Mon depese swiv semen ou bann komannman, akoz ou'n ouver mon lespri.

Matye 24:42

Veye alor, akoz zot pa konnen ki zour zot Senyer pou vini.

Matye 25:13

Zezi ti azoute, “Veye alor, akoz zot pa konn ni zour ni ler.”

Matye 26:38

I ti dir zot, “Mon leker i ranpli avek latristes lanmor. Reste isi e vey avek mwan.”

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Mark 14:38

Veye e priye pour zot pa tonm dan tantasyon. Lespri i for, me lekor i feb.”

Levanzil dapre Lik 11:4

Pardonn nou, nou pese, parey nou menm, nou pardonn bann ki ofans nou. Pa les nou tonm dan tantasyon.”

Levanzil dapre Lik 21:36

Pandan sa bann zour, veye, pa arete priye. Konmsa, zot ava ganny lafors pour travers tou sa bann keksoz ki pou arive, e reste debout devan Fis-de-Lonm.”

Levanzil dapre Lik 22:40

Kan Zezi ti'n ariv dan sa landrwa, i ti dir avek zot, “Priye pour zot pa tonm dan tantasyon.”

Levanzil dapre Lik 22:46

Zezi ti dir zot, “Akoz zot pe dormi? Leve, priye, pour zot pa tonm dan tantasyon.”

Levanzil dapre Lik 8:13

Bann ki tonm kot i annan ros, se bann ki antann Laparol; zot resevwar li avek lazwa, me zot napa rasin. Zot krwar pour en pti moman, me dan moman tantasyon zot abandonnen.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

1 Korentyen 10:13

Bann tantasyon ki zot in gannyen, i ariv avek tou dimoun. Me Bondye i fidel dan son promes. I pa pou permet ki nou ganny tante plis ki nou kapab siporte. Kan tantasyon i vini, Bondye osi i donn lafors pour kapab siporte, e mwayen pour sorti.

1 Korentyen 16:13

Veye! Reste ferm dan lafwa. Pran kouraz e fortifye zot!

1 Korentyen 9:27

Mon tret mon lekor severman, e mon gard li anba en kontrol strik, pour ki apre ki mon'n pres avek lezot, mwan menm mon pa ganny diskalifye.

Galat 5:24

Me bann ki pour Zezi-Kri, in krisifye zot prop natir imen avek zot bann pasyon ek zot bann dezir.

Efezyen 6:18

Gide par Lespri, priye toultan, avek toudsort lapriyer ek siplikasyon. Pour sa, reste vizilan, touzour fidel; priy avek ferver pour tou bann krwayan.

1 Pyer 4:7

Lafen tou keksoz i pros. Pour sa rezon, viv en fason rezonnab avek en lespri vizilan pour zot kapab priye.

1 Pyer 5:8

Reste vizilan, vey byen. Zot lennmi, dyab, pe pas partou. I pe kriye koman en lyon ki pe rode ki i pou devore.

2 Pyer 2:9

Sa i montre ki Senyer i konnen ki mannyer i pou delivre dimoun ki atase avek li kan zot dan difikilte, e gard bann malfeter pour pinisyon zour zizman.

Revelasyon 16:15

La mon pe vini koman en voler! Byennere sa enn ki reste vizilan, e ki gard son lenz lo li, pour li pa mars touni e les war son laont.

Revelasyon 3:10

Akoz ou'n obei mon lord avek perseverans, mon pou protez ou pandan bann letan leprev ki pe vini, pour teste bann zabitan later.