Matye 26:3 - Labib An Kreol Seselwa

³ Alor, bann gran-pret ek bann ansyen ti zwenn ansanm dan pale Gran-Pret, ki ti apel Kaif.

Matye 26:3 ပူးပေါင်းရင်းမြစ်များ

Psonm 56:6

Ansanm, zot kasyet pour espyonn lo mwan. Zot vey mon bann mouvman. Zot pare pour pran mon lavi.

Zeremi 11:19

Me mwan, mon ti parey en mouton dosil ki ti pe ganny anmennen labatwar. Mon pa ti konnen ki konplo ti pe ganny prepare kont mwan. Zot ti pe dir: Annou koup sa pye dibwa pandan ki i ankor ver. Annou touy li; konmsa personn pa pou rapel son non.

Zeremi 17:27

Me si zot pa ekout mwan, si zot pa obzerv sa zour saba koman en zour sakre, si zot kontinyen pas avek pake dan bann laport Zerizalenm, alor mon pou met dife dan sa bann laport lavil. Sa dife ki pa pou zanmen tennyen, pou detri bann pale dan Zerizalenm.

Matye 26:69

Pyer ti pe asize deor dan lakour. En servant ti apros li e dir li, “Ou osi ou ti avek Zezi, sa Galileen.”

Matye 27:27

Bann solda gouverner ti anmenn Zezi dan pale gouverner. Latroup antye ti rasanble otour li.

Mark 14:54

Pyer ti'n swiv Zezi lwen deryer, ziska dan lakour Gran-Pret. I ti pe asiz parmi bann gard, e pe sof li obor dife.

Mark 14:66

Pyer ti ankor anba dan lakour kan enn bann servant Gran-Pret ti arive.

Mark 15:16

Bann solda ti anmenn Zezi dan pale gouverner. Zot ti rasanble tou lezot solda.

Levanzil dapre Lik 22:55

Zot ti'n alim en dife dan milye lakour, e Pyer ti asiz parmi zot.

Levanzil dapre Lik 3:2

Dan sa letan, Hann ek Kaif ti Gran-Pret. Bondye ti koz avek Zan, garson Zakari, dan dezer.

Levanzil dapre Zan 11:57

Bann gran-pret ek bann Farizyen ti'n donn lord ki sa enn ki konnen kot Zezi i ete, devre vin raporte pour zot kapab aret li.

Levanzil dapre Zan 18:24

Apre, Hann ti anvoy Zezi, anmare, kot Gran-Pret Kaif.

Levanzil dapre Zan 18:28

Granmaten, sortan kot Kaif, Zezi ti ganny anmennen kot pale gouverner Romen. Bann dirizan Zwif pa ti antre, akoz zot pa ti oule vin enpir, pour zot kapab manz repa Pak.