Matye 24:3 - Labib An Kreol Seselwa

³ Zezi ti pe asize lo montanny Zolivye. Son bann disip ti vin kot li an prive e demann li, “Dir nou kan tousala pou arive; ki siny pou endik ou retour ek lafen lemonn?”

Matye 24:3 ပူးပေါင်းရင်းမြစ်များ

Matye 13:36

Zezi ti kit lafoul e i ti al dan lakour. Son bann disip ti vin dir li, “Eksplik nou parabol move zerb dan plantasyon.”

Matye 13:49

Lafen lemonn pou parey: Bann lanz pou al separ bann ki move avek bann ki bon.

Matye 15:12

Alor, bann disip ti vin kot Zezi. Zot ti dir li, “Eski ou konnen ki ou'n ofans bann Farizyen par sa ki ou'n dir?”

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Matye 16:28

Mon dir zot, sa i laverite: Parmi bann ki isi, serten pa pou mor, avan ki zot war Fis-de-Lonm vini koman en lerwa.”

Matye 17:19

Apre, bann disip ti vin kot Zezi an sekre e demann li, “Akoz nou pa ti kapab sas sa demon?”

Matye 21:1

Kan zot ti pe apros Zerizalenm, e pre avek vilaz Betfaze, lo montanny Zolivye, Zezi ti anvoy de disip.

Matye 24:27

Fis-de-Lonm pou vini parey zekler ki klate atraver lesyel depi Les ziska Was.

Matye 24:30

Alor, siny Fis-de-Lonm pou aparet dan lesyel. Tou bann pep lo later pou lamante e zot pou war Fis-de-Lonm vini lo nyaz dan lesyel, avek gran pwisans ek gran mazeste.

Matye 24:37

Annefe, larive Fis-de-Lonm pou parey sa ki ti pase dan letan Noe.

Matye 24:39

Zot pa ti dout nanryen lo sa ki ti pe arive, ziska ki deliz ti vini e balye zot tou. Sa zour ki Fis-de-Lonm pou aparet, pou menm zafer.

Matye 24:43

Konpran sa byen: Si en met lakaz ti konnen ki ler voler pou vini, i ti ava veye, e i pa ti pou les voler kas son lakaz.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Levanzil dapre Lik 21:7

Alor, zot ti demann Zezi, “Met! Kan ki tousala pou arive, e par ki siny nou ava konnen ki sa bann keksoz i pre pour arive?”

Akt de Zapot 1:7

Zezi ti dir zot, “I pa neseser pour zot konn letan ek moman ki mon Papa in fikse par son prop desizyon.

Ebre 9:26

Otreman, i ti ava bezwen soufer plizyer fwa depi kreasyon lemonn. An realite, i'n aparet en fwa pour tou, la dan lafen letan, pour abolir pese, par ofer son prop lekor an sakrifis.