Matye 23:4 - Labib An Kreol Seselwa

⁴ Zot sarz fardo tre lour lo zepol dimoun, me zot menm, zot pa pare pour lev en ledwa pour tous sa fardo.

Matye 23:4 ပူးပေါင်းရင်းမြစ်များ

Ezai 46:1

Bel in tonm azenou; Nebo in kourbe. Zot bann zidol in ganny met lo ledo zannimo e lo ledo bef. Avan, zot ti fer gran seremoni. Aprezan, zot saroy li lo ledo zannimo ki fatige.

Matye 23:23

Maler lo zot profeser Lalwa ek Farizyen! Bann ipokrit! Zot donn Bondye en dizyenm parti serten plant tel ki lanmant, legim ek zepis, me zot negliz sa ki pli enportan dan Lalwa, tel ki lazistis, konpasyon ek fidelite. I neseser ki zot fer tousala, me san negliz leres.

Matye 23:3

Fer tou sa ki zot dir fer, me pa imit sa ki zot fer. Annefe zot prese, me zot pa met an pratik sa ki zot prese.

Levanzil dapre Lik 11:46

Zezi ti dir li, “Maler lo zot osi bann profeser Lalwa! Zot met lo ledo dimoun, bann gro fardo lour, ki difisil pou anmennen. Me zot menm zot pa bouz en ledwa pour ed sa bann dimoun.

Akt de Zapot 15:10

Aprezan, pour ki rezon fodre ki nou provok Bondye par enpoz lo bann krwayan, en fardo ki ni nou bann zanset, ni nou menm, nou pa'n kapab anmennen?

Akt de Zapot 15:28

Annefe, Lespri Sen ek nou menm, nou'n war bon ki nou pa devre enpoz okenn fardo an plis lo zot, an deor bann devwar endispansab, setadir:

Galat 6:13

Menm sa bann ki'n ganny sirkonsi, zot pa obzerv Lalwa. Zot oule ou ganny sirkonsi, zis pour zot kapab vant zot lekor ki zot in enpoz sa siny dan ou laser.

1 Zan 5:3

Annefe, lanmour pour Bondye, se ki nou obei son komannman; e son bann komannman pa en fardo.

Revelasyon 2:24

Me pour lezot dan Tyatir, ki pa'n atas zot avek sa move lansennyman, ki pa'n aprann sa doktrin ki serten i dir, bann profon sekre Satan, mon deklare: Mon pa pou met okenn fardo lo zot.