Matye 2:16 - Labib An Kreol Seselwa

¹⁶ Kan Herod ti realize ki sa bann savan ti'n zwe en trik avek li, i ti tre ankoler. I ti fer touy tou bann garson 2 an e mwens, dan Betlehenm e dan zalantour, dapre lepok ki sa bann savan ti'n dir li.

Matye 2:16 ပူးပေါင်းရင်းမြစ်များ

Zenez 39:14

i ti kriy bann serviter. I ti dir zot, “Gete! En Ebre in ganny anmennen isi pour ensilte nou. In vin kot mwan pour dormi avek mwan e mon'n kriye.

Zenez 39:17

Alor, i ti rakont li sa menm zistwar, “Ou lesklav Ebre, ki ou'n anmenn isi, in vini pour sali mwan.

Zenez 49:7

Modi zot lakoler, akoz i feros e zot move karakter ava osi ganny modi akoz i kriyel; mon pou diviz zot e dispers zot dan pei.

2 Rwa 8:12

Azael ti demande, “Akoz mon senyer pe plere?” I ti reponn, “Akoz mon konn tou sa bann move keksoz ki ou pou fer pep Izrael. Ou pou bril zot bann lavil fortifye, ou pou masakre zot bann zennzan, ou pou kraz zot bann zanfan e ouver vant bann fanm ansent.”

Liv Zob 12:4

Mon bann zanmi i boufonn mwan akoz kan mon apel Bondye, i reponn. Mwan, sa zonm drwat e san repros, mon pe ganny gognarde!

Proverb 28:15

En dirizan dominer ki gouvern en pep pov, i parey en lyon ler i gronnyen, oubyen en lours ler i atake.

Proverb 28:17

Sa enn ki annan disan lo son lanmen, pou sove pour tou son lavi.

Ezai 26:21

La SENYER pe sorti kot i ete pour li pini bann zabitan later pour zot bann forfe. Later ava les war disan ki'n koule; i pou nepli kasyet son bann viktim.

Ezai 59:7

Zot lipye i prese pour al fer sa ki mal; zot degaze pour fer koule disan inosan; zot mazin zis fer sa ki mal; zot semen i borde avek dezas ek dezolasyon.

Danyel 3:13

Dan en gran lakoler, Naboukodonozor ti ordonnen pour anmenn devan li Sadrak, Mesak ek Abed-Nego. Alor, sa bann zonm ti ganny anmennen devan lerwa.

Oze 10:14

alor, pou annan dega lager parmi ou pep, e tou ou bann fortres pou ganny detri parey Salmann ti detri Bet-Arbel, e bann manman ti ganny kraze avek zot bann zanfan.

Nonm 22:29

Balaanm ti reponn bourik, “Akoz ou'n foud mwan? Si mon ti annan en lepe dan mon lanmen, mon ti'n fini touy ou.”

Nonm 24:10

Balak ti ankoler kont Balaanm. I ti tap dan son lanmen e dir li, “Mon ti apel ou isi pour modi mon bann lenn-mi. La i fer trwa fwa ki ou beni zot.

Matye 2:1

Zezi ti ne Betlehenm dan Zide, dan lepok ki Herod ti lerwa. Apre son nesans, bann savan sorti dan Les ti ariv Zerizalenm.

Matye 2:17

Sa ti arive pour ki parol profet Zeremi i ganny akonpli:

Matye 2:7

Alor, an sekre, Herod ti apel sa bann saz. I ti demann zot lepok egzakt ki sa zetwal ti aparet.

Revelasyon 12:4

Son lake ti balye en tyer bann zetwal dan lesyel e zet zot lo later. Sa dragon ti debout devan sa fanm ki ti pe al akouse, pour li devor son zanfan koman i ne.

Revelasyon 17:6

Mon ti war ki sa fanm ti sou avek disan bann pep ki pour Bondye e avek disan bann martir pour Zezi. Kan mon ti war li, mon ti bokou etonnen.

Ziz 16:10

Dalila ti dir Sanmson, “Ou'n esey tronp mwan; ou'n manti avek mwan. Aprezan, mon sipliy ou: Dir mwan avek kwa fodre anmar ou.”