Matye 2:12 - Labib An Kreol Seselwa

¹² Apre, zot ti retourn se zot par en lot semen, akoz Bondye ti'n averti zot dan en rev pour pa retourn kot Herod.

Matye 2:12 ပူးပေါင်းရင်းမြစ်များ

Zenez 31:24

Me aswar, Bondye ti aparet avek Laban, sa Arameen, dan en rev. I ti dir li: Fer atansyon ou pa dir nanryen Zakob, ni an byen ni an mal.

Egzod 1:17

Me bann sazfanm ti annan respe pour Bondye e zot pa ti fer sa ki lerwa Lezip ti'n dir zot; zot ti les bann garson viv.

Danyel 2:19

Sa menm swar, sa rev mister ti ganny revele avek Danyel dan en vizyon. Danyel ti remersye Bondye ki dan lesyel.

Matye 1:20

Letan i ti pe mazin sa, en lanz Senyer ti aparet avek li dan en rev. I ti dir li, “Zozef, garson David! Pa bezwen per pour pran Mari koman ou fanm, akoz sa zanfan ki i pou gannyen, in ganny formen par laksyon Lespri Sen.

Matye 2:13

Apre ki bann savan ti'n ale, en lanz Senyer ti aparet avek Zozef dan en rev. I ti dir li, “Leve! Pran sa zanfan ek son manman e sov Lezip. Reste laba, ziska ki mon donn ou lord retournen, akoz Herod pou rod sa zanfan pour fer touy li.”

Matye 2:19

Apre lanmor Herod, en lanz ti aparet avek Zozef Lezip, dan en rev.

Matye 2:22

Me kan Zozef ti tande ki Arkelais ti'n vin lerwa Zide dan plas son papa Herod, i ti per pour al laba. Apre ki i ti'n ganny averti dan en rev, i ti al dan rezyon Galile.

Matye 27:19

Pandan ki Pilat ti ankour, son fanm ti anvoy li sa mesaz, “Pa mel ou dan zafer sa zonm zis. Akoz li, mon'n soufer bokou dan en rev sa lannwit.”

Levanzil dapre Lik 2:26

Lespri Sen ti'n fer li konnen ki i pa pou mor avan ki i war Mesi ki Senyer ti'n promet.

Akt de Zapot 10:22

Zot ti reponn, “Nou'n vin isi anvoye par Korney, en kaptenn dan larme Romen, en zonm zis, ki annan respe pour Bondye. Tou bann Zwif i annan bokou lestim pour li. En lanz Bondye in ordonn li pour anvoy sers ou pour li ekout sa ki ou annan pour dir.”

Akt de Zapot 4:19

Me Pyer avek Zan ti reponn zot, “Zize zot menm devan Bondye, si i byen obei zot, plito ki obei Bondye.

Akt de Zapot 5:29

Pyer avek lezot zapot ti reponn, “Nou devre obei Bondye plito ki zonm.

1 Korentyen 3:19

akoz lasazes dapre lemonn i en lafoli devan Bondye. Annefe, Lekritir in deklare: Bann saz i ganny atrape dan zot prop trik.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.

Ebre 8:5

Sa bann pret, fonksyon ki zot pe egzerse, i zis en kopi, en lonbraz sanktyer ki dan lesyel, akoz kan Moiz ti pe etabli sa latant, Bondye ti donn li sa lord: Ou ava fer tou parey sa model ki ou'n ganny montre lo montanny.