Matye 2:11 - Labib An Kreol Seselwa

¹¹ Zot ti antre dan lakaz; zot ti war sa zanfan avek son manman, Mari. Zot ti tonm azenou e ador li. Answit, zot ti ouver zot kof e ofer li bann kado: Lor, lansan ek lamir.

Matye 2:11 ပူးပေါင်းရင်းမြစ်များ

Zenez 43:11

Alor, Izrael, zot papa, ti dir zot, “Fer sa ki neseser: Pran en pe meyer prodwi sa pei met dan zot sak, e anmenn koman en kado pour sa zonm: En pe lesans, en pe dimyel, zepis, pistas ek zamann.

1 Rwa 10:10

I ti ofer lerwa trwa tonn edmi lor, en kantite zepis ek pyer presyez. Zot pa ti zanmen ganny otan zepis ki sa ki larenn Saba ti ofer lerwa Salomon.

1 Rwa 10:2

I ti ariv Zerizalenm avek en gran delegasyon, avek samo sarze avek en varyete zepis, en kantite lor, avek bann pyer presyez. Ler i ti ariv kot Salomon, i ti kestyonn li lo tou sa ki i ti mazinen.

Psonm 2:12

rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Psonm 45:8

Ou lenz i santi loder lesans aloes ek kannel. Depi dan ou pale dekore avek livwar, zoli lanmizik i fer ou lazwa.

Psonm 72:10

Bann lerwa Tarsis ek dan bann zil ava anmenn kado pour li. Bann lerwa Seba ek Saba ava donn li bann lofrann.

Psonm 72:15

Fer li viv lontan! Donn li lor ki sorti Seba; dimoun ava touzour priy pour li. Bondye ava beni li tou le zour!

Psonm 95:6

Vini! Annou ador li e prosternen devan li. Annou met nou azenou devan SENYER, nou Kreater.

Egzod 30:23

Pran bann meyer prodwi aromatik: Senk kilo lamir likid; de kilo edmi lesans kannel; de kilo edmi feyaz parfimen;

Egzod 30:34

SENYER ti ordonn Moiz: Pran kantite egal bann sibstans aromatik: Larezin, onyks ek galbanoum. Melanz zot avek en menm kantite lansan meyer kalite.

Kantik Salomon 3:6

Lekel ki pe monte sorti dan dezer, ki parey en kolonn lafimen, parfimen avek lamir ek lansan, ek tou bann lapoud bann marsan etranze?

Ezai 60:6

En kantite samo pou kouver ou teritwar, bann zenn samo sorti Madyann ek Efa; tou bann zabitan ki sorti Saba pou vini. Zot pou anmenn lor ek lansan e zot pou proklanm louanz SENYER.

Levitik 6:15

Zot ava pran en ponnyen lafarin meyer kalite dan sa lofrann vezetal avek delwil ek tou lansan ki lo la. Zot ava bril li lo lotel, e i ava anvoy en loder ki fer plezir SENYER.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Nonm 7:14

en lakoup annor ki pez 100 granm, ranpli avek lansan;

Nonm 7:86

Sa 12 lakoup annor plen avek lansan ti pez 100 granm sakenn; tou sa lor ti pez 1200 granm, dapre pwa sanktyer.

Matye 1:18

La dan ki sirkonstans Zezi-Kri ti ne: Mari, manman Zezi ti'n fiyanse avek Zozef. Me avan ki zot ti konmans viv ansanm, i ti trouv li ansent par laksyon Lespri Sen.

Matye 12:46

Letan Zezi ti pe koz avek lafoul, son manman ek son bann frer ti pe debout deor. Zot ti oule koz avek li.

Matye 14:33

Bann disip ki ti dan kannot ti prostern devan Zezi. Zot ti dir, “Vreman ou Garson Bondye!”

Matye 2:10

Kan zot ti revwar sa zetwal, zot ti dan en gran kontantman.

Matye 2:2

Zot ti demande, “Oli sa lerwa bann Zwif ki fek ne? Nou'n war son zetwal dan Les, e nou'n vin ador li.”

Levanzil dapre Lik 2:16

Zot ti depese pour ale. Zot ti war Mari, Zozef ek sa pti baba ki ti pe alonze dan en manzwar.

Levanzil dapre Lik 2:38

Dan sa menm moman, Ann ti arive. I ti konmans loue Bondye, e koz lo sa zanfan avek tou bann ki ti pe esper delivrans Zerizalenm.

Levanzil dapre Zan 19:39

Nikodenm osi, sa zonm ki en fwa ti al war Zezi dan lannwit, ti vini e i ti anmenn apepre trant kilo en melanz lamir ek aloes.

Revelasyon 19:10

Alor, mon ti tonm ater dan son lipye pour ador li, me i ti dir mwan: Non, pa fer sa! Mon en serviter parey ou ek ou bann frer ki gard temwannyaz Zezi. Ador Bondye. Annefe, temwannyaz Zezi i lespri profesi.

Revelasyon 5:8

Kan i ti pran sa liv, sa kat et vivan ek sa 24 ansyen ti prosternen devan sa Zenn Mouton. Sakenn ti annan en laarp ek bann lakoup annor ranpli avek lansan ki reprezant lapriyer bann krwayan.

1 Samyel 10:27

Me ti annan en bann voryen ki ti dir: Sanmenm sa zonm ki pou sov nou? Zot ti mepriz li e zot pa ti donn li okenn prezan. Me i ti reste trankil.