Matye 19:4 - Labib An Kreol Seselwa

⁴ Zezi ti reponn, “Pa zot in lir, ki depi o konmansman, Kreater ti fer zot zonm ek fanm,

Matye 19:4 ပူးပေါင်းရင်းမြစ်များ

Zenez 1:27

Alor, Bondye ti kree et imen dan son limaz; dan limaz Bondye i ti kree zot, zonm ek fanm.

Zenez 2:18

SENYER Bondye ti dir: I pa bon pour zonm reste tousel. Mon pou fer en led ki pou byen dakor avek li koman son konpannyon.

Zenez 2:23

Sa zonm ti dir: La aprezan sa enn ki mon lezo e mon laser. I pou apel fanm, akoz i'n ganny tire avek zonm.

Zenez 5:2

Bondye ti kree zot zonm ek fanm. Zour i ti kree zot, Bondye ti beni zot e apel zot imen.

2 Kronik 24:3

Yoyada ti swazir de fanm pour Zoas; zot ti fer plizyer garson ek fiy.

Malasi 2:15

Bondye pa i'n fer zot en sel lekor e donn zot sa menm souf lavi? Son sel dezir se ki zot ganny zanfan ki vin vreman pep Bondye. Alor, fer atansyon ki personn pa kas promes fidelite ki i'n fer avek son fanm dan son zenes.

Matye 12:3

Zezi ti reponn zot, “Zanmen zot in deza lir sa ki David ek son bann zonm ti fer kan zot ti lafen?

Matye 21:42

Alor, Zezi ti dir zot, “Zanmen zot in lir sa ki'n ekri dan Lekritir: Sa ros ki bann travayer ti rezete, i'n vin ros prensipal dan fondasyon! Sa travay ki Senyer in fer, i en mervey devan nou lizye.

Matye 21:6

Bann disip ti ale. Zot ti fer sa ki Zezi ti'n dir zot fer.

Matye 22:31

Lo size rezireksyon, pa zot i'n lir sa ki Bondye in dir zot:

Mark 12:10

Eski zot pa'n lir dan Lekritir? Sa ros ki bann travayer in rezete, in vin ros prensipal dan fondasyon.

Mark 12:26

Lo size rezireksyon bann mor, eski zot pa'n zanmen lir dan liv Moiz, sa ki Bondye ti dir li dan brousay anflanm: Mwan menm Bondye Abrahanm, Bondye Izaak e Bondye Zakob.

Mark 2:25

Zezi ti reponn zot, “Zanmen zot in deza lir sa ki David ti fer, kan i ti dan bezwen e i ti lafen, li, avek son bann zonm?

Levanzil dapre Lik 10:26

Zezi ti dir li, “Kwa ki'n ekri dan Lalwa? Ki ou lir?”

Levanzil dapre Lik 6:3

Zezi ti reponn zot, “Zanmen zot in deza lir sa ki David ek son bann zonm ti fer, kan zot ti lafen?