Matye 18:9 - Labib An Kreol Seselwa

⁹ Si ou lizye i fer ou komet pese, aras li e zet li lwen avek ou. Vomye ou antre dan lavi avek en sel lizye, ki annan tou le de lizye e ganny zete dan dife lanfer.”

Matye 18:9 ပူးပေါင်းရင်းမြစ်များ

Matye 16:26

Ki pou profit en dimoun, si i ganny lemonn antye, me i perdi son lavi? Oubyen ki i kapab donnen an lesanz pour son lavi?

Matye 18:8

Si ou lanmen oubyen ou lipye i fer ou komet pese, koup li e zet li lwen avek ou. Vomye ou antre dan vre lavi avek en sel lanmen oubyen en sel lipye, ki annan tou le de lanmen, tou le de lipye e ganny zet dan dife eternel.

Matye 19:17

Zezi ti reponn li, “Akoz ou poz mwan kestyon konsernan sa ki bon? I annan zis en sel ki bon. Si ou, oule antre dan lavi eternel, obei bann komannman.”

Matye 5:22

Me mwan mon dir zot: Sa enn ki pran lakoler kont son frer, pou ganny zize. Sa enn ki ensilte son frer, pou ganny zize devan tribinal. Sa enn ki tret son frer: Fou, pou ganny pini dan dife lanfer.

Matye 5:29

Si ou lizye drwat i fer ou tonm dan pese, aras li e zet li lwen. Vomye ou perdi en parti ou lekor, plito ki ou lekor antye i ganny zete dan lanfer.

Mark 9:47

Si ou lizye i fer ou fer pese, aras li. Vomye ou antre dan Rwayonm Bondye avek zis en kote lizye, ki annan de lizye e ganny zete dan lanfer.

Akt de Zapot 14:22

Zot ti fortifye leker bann krwayan e ankouraz zot pour reste solid dan lafwa. Zot ti dir ki zot bezwen pas par bokou soufrans pour antre dan Rwayonm Bondye.

Ebre 4:11

Alor, annou fer tou zefor posib pour antre dan sa repo, pour ki personn pa tonbe par dezobeisans, parey nou bann zanset.

Revelasyon 21:27

Okenn lenpirte pa pou antre dan lavil, ni personn ki pratik bann akt degoutan ek mansonz. Zis bann ki zot non in ganny enskri dan liv lavi Zenn Mouton ki pou kapab antre.