Matye 15:6 - Labib An Kreol Seselwa

⁶ Dan sa fason, zot detri valer Parol Bondye, pour swiv zot prop tradisyon.

Matye 15:6 ပူးပေါင်းရင်းမြစ်များ

Psonm 119:126

Senyer! In ler pour ou azir, akoz ou lalwa in ganny vyole.

Psonm 119:139

Mon gran lanmour pour ou i brile dan mwan akoz mon bann lennmi i oubliy ou bann parol.

Zeremi 8:8

Koman eski zot kapab dir ki zot bann dimoun saz, e zot konn mon lalwa. Alor, zot bann spesyalis lalwa in manti e zot fos sans mon lalwa?

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Matye 15:5

Me zot, zot ansennyen ki si en dimoun i dir son papa oubyen son manman: Sa ki mon ti devre donn ou mon'n konsakre pour Bondye. Alor sa zonm pa bezwen ed son papa ek son manman.

Matye 15:7

Bann ipokrit! Ezai ti annan rezon profetiz lo zot, kan i ti dir:

Mark 7:13

Dan sa fason, zot detri valer Parol Bondye par zot tradisyon. I annan bokou lezot keksoz parey, ki zot fer.”

Romen 3:31

Donk, kan nou annan lafwa, eski sa i vedir ki nou rann lalwa initil? Non! O kontrer, nou pe donn lalwa son vre valer.

1 Timote 5:16

Si en krwayan i annan detrwa vev dan son fanmir pros, i devre donn zot led ki zot bezwen, san ki Legliz i bezwen pran sa responsabilite. Konmsa, Legliz ava kapab port swen bann vre vev.

1 Timote 5:8

Sa enn ki pa pran swen son parante, sirtou son prop fanmir pros, i'n abandonn lafwa; i pir ki en non-krwayan.