Matye 15:4 - Labib An Kreol Seselwa

⁴ Annefe, Bondye i dir: Onor ou papa ek ou manman; sa enn ki dir dimal lo son papa oubyen son manman i merit lanmor.

Matye 15:4 ပူးပေါင်းရင်းမြစ်များ

Egzod 20:12

Ou pou annan respe pour ou papa ek ou manman; konmsa, ou ava viv lontan lo sa later ki SENYER, ou Bondye i donn ou.

Egzod 21:17

Sa enn ki ensilte son papa oubyen son manman ava ganny touye.

Proverb 20:20

Sa enn ki modi son papa oubyen son manman, son lalanp pou tennyen ler fernwanr i fer.

Proverb 23:22

Ekout ou papa ki'n fer ou; pa mepriz ou manman dan son vye zour.

Proverb 30:17

Lizye ki mepriz en papa, e ki negliz obeir son manman, korbo obor larivyer, pour krev zot, piti en leg pour devor zot.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

Levitik 19:3

Sakenn zot ava annan respe pour son manman ek son papa e zot ava obzerv mon bann saba. Mwan menm SENYER, zot Bondye.

Levitik 20:9

Sa enn ki ensilte son papa oubyen son manman, ava ganny touye akoz i'n dezonor son papa oubyen son manman. Alor, i ava responsab son prop lanmor.

Matye 15:3

Zezi ti reponn zot, “Me zot, akoz zot dezobei komannman Bondye pour swiv zot prop tradisyon?

Matye 15:5

Me zot, zot ansennyen ki si en dimoun i dir son papa oubyen son manman: Sa ki mon ti devre donn ou mon'n konsakre pour Bondye. Alor sa zonm pa bezwen ed son papa ek son manman.

Matye 19:19

onor ou papa ek ou manman; kontan ou prosen parey ou kontan ou prop lekor.”

Matye 4:10

Zezi ti reponn li, “Sorti la, Satan! Ale. I'n ekri: Se Senyer, ou Bondye ki ou devre adore e li tousel ki ou devre servi!”

Romen 3:31

Donk, kan nou annan lafwa, eski sa i vedir ki nou rann lalwa initil? Non! O kontrer, nou pe donn lalwa son vre valer.

Efezyen 6:1

Zanfan! Obei zot paran devan Senyer, akoz sa i zis.

Deterononm 27:16

Malediksyon lo sa enn ki dezonor son papa oubyen son manman. Lepep ava dir: Amenn!

Deterononm 5:16

Respekte ou papa ek ou manman, parey SENYER, ou Bondye in ordonn ou. Konmsa, ou ava viv lontan e ere lo sa later ki SENYER, ou Bondye pou donn ou.