Matye 13:57 - Labib An Kreol Seselwa

⁵⁷ Sa ti anpes zot krwar dan li. Alor, Zezi ti dir zot, “En profet i ganny respekte partou, sof dan son prop pei e dan son prop fanmir.”

Matye 13:57 ပူးပေါင်းရင်းမြစ်များ

Ezai 49:7

La sa ki SENYER i deklare, Sover Izrael, son Bondye ki Sen, avek sa enn ki ganny meprize, deteste par bann nasyon, lesklav bann dirizan: Ler bann lerwa ava war ou, zot ava debout e bann sef ava prosternen lafas ater. Sa pou arive akoz SENYER i fidel e Sen Izrael, in swazir ou.

Ezai 53:3

I ti ganny meprize e abandonnen. I ti ganny meprize, parey en zonm ki touzour dan douler, ki abitye avek lasoufrans. Konmsi personn pa ti oze lev son regar ver li, zot ti inyor li.

Ezai 8:14

I pou vin en sanktyer pour sa de rwayonm Izrael; en ros kot ou konny ou lipye; en gro ros ki pou fer ou tonbe; en latrap pour bann zabitan Zerizalenm.

Matye 11:6

Byennere sa enn ki pa refize krwar dan mwan!”

Matye 13:58

Zezi pa ti fer bokou mirak la, akoz zot ti napa lafwa.

Mark 6:1

Zezi ti kit sa landrwa e al dan lavil kot i ti grandi. Son bann disip ti swiv li.

Mark 6:14

Lerwa Herod ti aprann tou sa ki Zezi ti pe fer, akoz son repitasyon ti'n fannen partou. Serten ti pe dir: Zanbatis in resisite. Pour sa rezon ki i annan pouvwar pour fer bann mirak.

Mark 6:3

Pa li sa sarpantye, garson Mari? Zak, Zoze, Zid ek Simon pa son bann frer? Son bann ser, pa zot reste isi menm parmi nou?” Pour sa rezon, zot pa ti oule krwar li.

Mark 6:4

Alor, Zezi ti dir zot, “En profet i ganny respekte partou, sof dan son lavil, dan son fanmir e dan son prop pei.”

Levanzil dapre Lik 4:24

I ti azoute, “Mon dir zot, sa i laverite: Okenn profet pa ganny byen aksepte dan son prop lavil.

Levanzil dapre Lik 7:23

Byennere sa enn ki pa refize krwar dan mwan!”

Levanzil dapre Zan 4:44

Annefe, Zezi li menm ti'n dir, “En profet pa zanmen ganny respekte dan son prop pei.”

Levanzil dapre Zan 6:42

Zot ti dir, “Sa, pa li menm Zezi, garson Zozef? Nou konn son papa ek son manman. Koman i kapab dir aprezan ki i sorti dan lesyel?”

Levanzil dapre Zan 6:61

Zezi ti konnen li menm ki zot ti pe mirmire lo sa size. Alor, i ti dir zot, “Eski sa i sok zot?